Dit is 'n archief, wo-in aw nuujsberichte waere opgesjlage. Inhawd weurt hie dan normaal gesjpraoke ouch neet eweggehaold. Recènter nuujs mót me zeuke op 't hoofblaad: In 't nuujs. |
In e winkelcentrum in de Thaise sjtad Korat sjut 'ne militair zeker 26 börgers doed en verwundj minstens 52 angere. Commando's sjete häöm de volgende mörge zelf doed.
D'n Indonesische serieverkrachter Reynhard Sinaga weurt in 't Vereinig Keuninkriek sjöldig bevónge aan 159 seksueel misdrieve en tot laeveslang gevangenissjtraof veroerdeild. Hae is de groetste serieverkrachter oet de Britse rechshistorie.
In Hong Kong waere verkezinge gehawwe. Nao maonjelang relle euver Chinese inminging is de opkóms bezunger hoeg.
B.J. Habibie, presidentj van Indonesië van 1998 bis 1999, sjtörf op 83-jäörige laeftied.
De Hong Kongse regering van Carrie Lam trèk de Oetlieveringswèt trök die 't meugelik maak gevangene zónger mie aan de centraal Chinese regering oet te lievere. De wèt haet de aafgeloupe maonje veur enorm proteste gezörg.
De Cambodjaanse politicus Nuon Chea, ideoloog van de Roej Khmer, sjtörf op 93-jäörige laeftied.
Indonesië kónjig de verplaatsjing van zien huidsjtad nao Borneo aan.
Bie 'nen aansjlaag mit 'ne brandjbom op 'n animatiesjtudio in Kyoto kómme 33 luuj óm 't laeve.
Nao aanhauwende massaproteste sjort de regering van Hong Kong ónger Carrie Lam de Oetlieveringswèt mit China veur ónbepaolden tied op.
Inne Japanse sjtad Kawasaki, kórtbie Tokio, sjtik 'ne manskael in op 'n gróp sjoelkinger. Twie luuj vinge d'n doed, viefteen anger luuj raakde gewóndj.
't Parlemènt van Taiwan es ierste landj in Azië nump 'n wèt aan die 't homohoewelik meugelik maak. De wèt zal op 24 mei van krach waere.
Einen daag nao d'n troensaafsjtandj van ziene vaajer weurt kroenprins Naruhito tot keizer gekroendj. De naam van ziene regeertied weurt Reiwa.
Akihito deit aafsjtandj es keizer van Japan.
Presidentj Joko Widodo besjlis det de huidsjtad van Indonesië verplaatsj geit waere.
De Vereinigde Sjtaote beginne aon de sanering van 'n auw lochmachbasis oet de Vietnamkreeg bie Ho Chi Minhsjtad. Op en róndj de basis bevintj zich väöl van 't giftig óntblaojermiddel Agent Orange.
Brunei veurt de doedsjtraof door sjteiniging in veur homoseksueel handelinge en euversjpel.
Bie twie bómexplosies bie 'n kattelieke kerk in Jolo, in 't zude vanne Filipiene, kómme zeker 27 luuj óm 't laeve. Bienao tachetig luuj raakde gewóndj.
Keuning Mohammed V van Maleisië kunjig zien aaftrejje aan. Keuninge van Maleisië zitte noets permanènt, meh 't is veur 't iers det 'ne keuning oet eige bewaeging opsjtap.
'nen Tsunami, veroerzaak door 'n oetbersting van de vulkaan de Krakatau, veroerzaak in Indonesië hóngerde doeje.
E vleegtuug mit 189 luuj aan baord sjtort denaer in de Javazie. Allezelaeve zeen alle inzittende ómgekómme.
Presidentj Xi Jinping van China deit de Hong Kong-Macau-Zhuhaibrök, 'n brök van 55 kilomaeter euver de zie die Hong Kong en Macau mit 't Chinees vastelandj verbèntj, officieel aope.
In Taiwan óntsjpaort 'nen trein. Achteen luuj kómme óm, 160 raoke gewóndj.
't Indonesisch eilandj Celebes weurt geraak door 'ne krachtigen aerdsjóddel en 'nen dao-opvolgenden tsunami. Me vreis veur doezende doeje.
Trần Đại Quang, de zittende presidentj van Vietnam, sjtörf op 61-jäörige laeftied.
De zier zjwaor orkaan Mangkhut kump in de Filipiene aan landj en eis dao teentalle sjlachoffers.
De Japanse sekteleijer Shoko Asahara weurt opgehange. Zien Aum Shinrokyo-sekte deeg in 1995 in Tokio 'nen terroristischen aanval mit sarin.
Presidentj Donald Trump van de Vereinigde Sjtaote en leier Kim Jong-un van Naord-Korea belègke in Singapore 'nen top en sjlete 'n akkaord euver de complete denuclearisatie van Naord-Korea.
De leijers van Naord- en Zuud-Korea óntmoete einanger inne gedemilitariseerde zone en zègke te sjtraeve nao e vraejesverdraag, det de Koreaanse Krieg formeel mót beëindige.
De Naord-Koreaanse leijer Kim Jong-un kunjig aan te sjtoppe mèt zien kernpreuve en raketteste.
Op Java kómme 82 luuj óm 't laeve door zelfgemaakde giftige sjterke drank.
Park Geun-hye, ex-presidèntj van Zuud-Korea, weurt óm corruptie tot 24 jaor gevangenis en 'n boete van ómgeraekendj 13 miljoen euro veroerdeild.
't Chinees Voukscongres sjtump in mit e veursjtèl óm de beperkinge in doer aan 't presidentsjap aaf te sjaffe. Hiemit breit presidentj Xi Jinping zien mach aanzeenlik oet.
't Internasjonaal Sjtraofhof begint 'n óngerzeuk nao de Filipiense president Rodrigo Duterte en de Venezuelaanse president Nicolás Maduro. Beide presidente weure verdach van misdade taege de minsjelikheid.
Bie 'nen brandj in e Zuud-Koreaans krenkehoes valle 37 doeje en mier es zevetig gewónje.
Tyfoon Tembin raas euver 't Filipiense eilandj Mindanao. Mier es 260 luuj kómme daobie óm 't laeve.
E Limburgs model oet Zittert is euverleje nao 'ne val van e balkon inne Maleisische huidsjtad Kuala Lumpur.
In China begèntj 't Neugeteende Congrès van de Communistische Partie. Westerse waornummers verwachte dat presidentj Xi Jiping zien mach zal wille vergroete.
Bie euversjtruiminge in Vietnam valle tientalle doeje.
Bie 'ne aerdsjöddel in de Sjinese provincie Sichuan sjterve twintig luuj; 431 luuj rake gewóndj.
't Japans Hoegerhoes geit akkoord mit 't aaftreije van d'n hujige keizer Akihito. Ziene zoen Naruhito weurt nao verwachting d'n opvolger.
24 luuj kómme óm 't laeve es 'n bös in de Filipiense provincie Nuevo Ecija denaer sjtort in e revien.
In de Chinese provincie Guizhou kómme tien luuj óm 't laeve es 'n bös in 'n reveer terechkump.
Naord-Korea tes e raketwape. 't Wape explodeert kórt nao 't opsjtiege. Dees tes leid tot 'n felle reactie van de Amerikaanse vicepresident Mike Pence, dae 't aafsjiete 'n provocatie neump en drieg mit 'ne saortgeliek aanval es óp de Syrische lóchmachbasis aafgelaopge 7 april.
In de Filipiense gemeinte Inabanga op 't eilandj Bohol kómme tien luuj óm bie gevechte tösse regeringstróppe en militante van de islamitische terreurbewaeging Abu Sayyaf. Daobie woort ein van de leijers van de orgenisasie, Muamar Askali, gedoed. Hae waor beröcht vanwaege de óntveuringe van boetelandse toeriste.
't Zuud-Koreaans hoeggerechshof bepaalt det president Park Geun-Hye aafgezet mót weure. Häör weurt fraude en machsmisbroek ten laste geleg.
Óp 'n lóchhave in Maleisië weurt Kim Jong-Nam, d'n haafbroor van de Naord-Koreaanse leider Kim Jong-Un, vermaord. Twie vrouwluuj en 'ne man woorte ópgepak.
Bie 'n euversjtruiming in Thailand kómme 25 luuj óm 't laeve.
In Atjeh (Indonesië) vèntj 'nen aerdsjóddel van 6,5 op de MM-sjaol plaats. Mie es 100 luuj kómme óm.
Keuning Bhumibol van Thailandj, mit 'n regering van zevetig jaor de langs zittende vaors op de waereld, sjtörf op 88-jäörige laeftied.
China en de Vereinigde Sjtaote ratificere 't Klimaatverdraag van Paries.
Keizer Akihito van Japan gief aan te wille aaftrejje. Hieveur zouw de wèt mótte waere aangepas; de verwachting is det de regering det ouch geit doon.
't Zuje van Taiwan weurt geraak daor 'n aerdsjóddel van 6.4 op de MM-sjaol. Hiebie valle minstes 41 doeje en hóngerde gewónje.
In Jakarta vènje twie terroristische aansjlaeg plaats. De pelitie wit versjillende verdachte denaer te sjete.
In Burma vènje parlemèntsverkezinge plaats.
De regering van China vervèngk de einkèndjpolitiek daor 'n twiekèndjpolitiek.
'nen Aerdsjóddel mit 'n krach van 7,5 op de Memènt-Magnitudesjaol mit 't epicentrum in Naord-Afghanistan zörg veur hóngerde doeje.
In 't havegebeed van Tianjin, de driede sjtad van China, vèntj 'n oetzunjerlik groete explosie plaats, die veur minstes vieftig doeje en 'n enorm ravaasj zörg.
Lee Kuan Yew, d'n ierste premier van Singapore en arsjitek van de veur dees sjtadssjtaot typische sjtreng regelgaeving, sjtörf op 91-jäörige laeftied.
De Nederlanjer Ang Kiem Soei weurt in Indonesië geëxecuteerd. Hae waor dao veroerdeild óm de productie van xtc.
Vlöch QZ 8501 van AirAsia, op waeg van Soerabaja nao Singapore, sjtort bie Borneo in zie.
De binnelandse vlöch GE222 in Taiwan sjtort denaer bie 'n ónsuccesvol lanjing. Van de 58 inzittende kómme 'rs 48 óm.
Joko Widodo weurt tot presidentj van Indonesië gekaoze.
In Thailandj pak 't laeger de mach naodat 'n jaorelang politieke impas ónopgelos blief.
'ne Veerboet kapseis veur de kös van Zuud-Korea, mèt veural kènjer aan baord. De mieste euverlaeve 't neet; me verwach zoe'n 300 doeje.
Op basis van oetgebreid geanalyseerde satellietgegaeves, en óngersjteund door de vónds van brokke in de zujelike Indische Oceaan, kómme Britse tot de conclusie dat vlöch 370 van Malaysia Airlines, ieder deze maondj gekaap en verzjwónde, in zie mót zeen gesjtort.
Vlöch 370 van Malaysia Airlines, vanoet Kuala Lumpur op waeg nao Peking, verdwient sjpoorloes; in de waek dao-op liekent 't óm 'n kaping te gaon.
Bo Xilai, 'ne vreugere functionnair van de Chinese communistische partie, weurt óm corruptie tot laeveslank veroerdeild.
Nao nuuj sancties van de Vereinigde Naties beènjig Naord-Korea de waopesjtilsjtandj van 1953 mit Zuud-Korea, al-aevel veurluipig allein in wäörd.
Naord-Korea veurt obbenuujs 'nen atoompreuf oet.
Norodom Sihanoek, de gewaeze keuning van Cambodja, sjtörf op 89-jäörige laeftied.
Naord-Korea lanceert 'n rakèt, die aevel neet in 'n baon óm de aerd kump meh op 151 kilomaeter bove zie kepotbrik.
Bie tösjetiedse verkezinge veur 't parlemèntj in Birma haolt oppositieleister Aung San Suu Kyi 'ne zedel.
Kim Jong-il, saer 1994 dictator van Naord-Korea, sjtörf op (waorsjienelik) 70-jäörige laeftied.
D'n tribbenaal in D'n Haag sjtilt de Nederlandse sjtaot aansjpraokelik veur 't bloodbaad in Rawagedeh, Indonesië, wat in 1947 bie de Politioneel Acties woort aangerich, en verplich häöm de nog laevende wedevrouwe te compensere.
Yoshihiko Noda weurt bevestig as nuje premier van Japan. Hae volg Naoto Kan op, dae ieder aaftraoj nao de kernramp in Fukushima.
In Wenzhou, China, sjtörve tientalle luuj nao 'n botsing van twie hoegesjnelheidstreine.
Biej de verkezinge in Thailand wèntj de populistische Pheu Thai.
Naord-Korea deit 'nen doejeliken aanval op 't eilendje Yeonpyeong; 't zuje reup óm vergeljing.
De Birmese militair dictatuur luf 't hoesarres van dissidènt Aung San Suu Kyi op.
De Nobelpries veur de vrae kump in henj van de Chinees Liu Xiaobo.
Op 't partiejcongres van de Naord-Koreaanse Arbeierspartiej krieg Kim Jong-un, derde zoon van Kim Jong-il, versjillende functies toebedeild. Me geit devan oet dat dit aangeuf dat dae ziene pap as dictator van 't landj zal opvolge.
Door 'n oontploffing in de havestad Dalian, China barste twie olieleidinge ope en struime 1500 vater olie in de Geel Zie.
De Japanse premier Yukio Hatoyama trejt aaf nao controvers euver de Amerikaanse marinebasis op Okinawa.
Nao oetgebreid óngerzeuk concludeert Zuud-Korea dat 't zinke van e marinesjeep in miert dit jaor 't werk waor van 'ne Naord-Koreaansen torpedo en dreig mit maotraegele. Naord-Korea óntkèntj dit en dreig ziene zujerbuur mit oorlog.
De Roedhummes, de rebelle die vechte veur de trökkier van Thaksin Shinawatra as premier van Thailandj, waere versjlage. Hienao begèntj de ónrös in de hoofsjtad Bangkok aevel pas good.
In de Thaise huidsjtad Bangkok zien de lètste dage bie gevechte tösse opsjtandelinge en de Thaise armee minstes 29 luuj om 't laeve gekome en mie es 170 gewónje gevalle.
In de Chinese provincie Qinghai vèntj 'n aerdbaeving plaatsj mit 'n krach van 6,9 op de sjaal van Richter. 't Aantal doeje löp in de hónjerde.
De RMS-regering in ballingsjap verklaort bie monde van d'r nuje presidaent John Wattileti dat 't sjtraeve nao 'n oonaafhankeleke Molukse Republiek neet langer 't ideaal is. Vanaaf noe sjtraeft me mieë autonomie nao.
De Zuud-Koreaansen ex-president Roh Moo-hyun begeit zelfmaord.
'n Zjwoar aardbeving mèt 't epicentrum in de provincie Sichuan in China en 'n sjterkde van 7.8 op de sjaal van Richter weurt geveuld in gans Oas-Azië.
1 april 2005 -
30 mei 2005 -
1 augustus 2005 -
12 december 2005 -
2 februari 2006 -
11 april 2006 -
27 december 2006 -
24 juni 2007 -
19 april 2008