चौदहम दलाई लामा तेनजिन ग्यात्सो (६ जुलाई, १९३५ - वर्तमान) तिब्बतक राष्ट्राध्यक्ष आ आध्यात्मिक गुरू छी। हुनकर जन्म ६ जुलाई १९३५ कऽ उत्तर-पूर्वी तिब्बतक ताकस्तेर क्षेत्रमे रहनिहार येओमान परिवारमे भेल छल। दु वर्षक अवस्थामे बालक ल्हामो धोण्डुपक पहिचान १३हम दलाई लामा थुबटेन ग्यात्सोक अवतारक रूपमे कएल गेल। दलाई लामा एक मङ्गाोलियन् पदवी छी जेकर मतलब होइत अछि ज्ञानक महासागर आर दलाई लामाक वंशज करूणा, अवलोकेतेश्वरक बुद्धक गुणसभक साक्षात रूप मानल जाइत अछि। बोधिसत्व एहन ज्ञानी लोग होइत अछि जिनका द्वारा अपन निर्वाण कऽ टालि देल गेल होइ आ मानवताक रक्षाक लेल पुनर्जन्म लेबऽक निर्णय लेने होइ । हुनका सम्मानसँ परमपावन कहल जाइत अछि।[१]
परमपावन द्वारा अपन मठवासीय शिक्षा छह वर्षक अवस्थामे प्रारम्भ कएल गेल। २३ वर्षक अवस्थामे वर्ष १९५९ कऽ वार्षिक मोनलम ;प्रार्थनाद्ध उत्सवक समय ओ जोखाङ्ग मन्दिर, ल्हासामे अपन फाइनल परीक्षा देल्खिन। ओ अही परीक्षा अनर्सक साथ पास भेल आ हुनका सर्वोच्च गेशे डिग्री ल्हारम्पा ; बौध दर्शनमे पी. एच. डी. प्रदान कएल गेल ।