60. јужен напоредник ― напоредник што е 60 степени јужно од Земјината екваторска рамнина. Ниту една земја не лежи на напоредникот односно тој не поминува ништо друго освен океаните. Најблиското копно е група карпи северно од островот Коронејшн (Крунисување) (Мелсонови Карпи или Гувернерски Острови) на Јужните Оркниски Острови, кои се на околу 54 километри јужно од напоредникот, и островот Туле и Куковиот Остров на Јужните Сендвички Острови, кои обете се околу 57 км северно од напоредникот (со Куковиот Остров малку поблиску).
Напоредникот ја означува северната граница на Јужниот Океан (иако некои организации и земји, особено Австралија, имаат други дефиниции) и на Антарктичкиот договор. Ја означува и јужната граница на зоната без нуклеарно оружје во Јужен Пацифик и зоната без нуклеарно оружје во Латинска Америка.
На оваа географска ширина Сонцето е видливо 18 часа, 52 минути за време на декемвриската долгодневница и 5 часа и 52 минути за време на јунската краткодневница. На 21 декември Сонцето е на 53,83 степени на небото и 6,17 степени на 21 јуни.
Географските широчини јужно од овој напоредник често се нарекувани „Врискачки 60-ки“ поради преовладувачките западни ветрови со голема брзина кои можат да створат големи бранови над 15 м и максимална брзина на ветер над 145 км/ч.
Максималната надморска височина на Сонцето е > 15,00º во април и > 8,00º во мај.
Најниската географска широчина каде што може да се забележат белите ноќи е приближно на овој напоредник.
Почнувајќи од главниот меридијан и упатувајќи се кон исток, 60° јужен напоредник минува низ:
Координати | Океан | Забелешки |
---|---|---|
60°0′S 0°0′E / 60.000° ЈГШ; 0.000° ИГД | Нулти меридијан | |
60°0′S 20°0′E / 60.000° ЈГШ; 20.000° ИГД | границата на Атлантскиот и Индискиот Океан | |
60°0′S 147°0′E / 60.000° ЈГШ; 147.000° ИГД | границата на Индискиот и Тихиот Океан | Дополнително минува низ Тихиот Океан кај Дрејковиот Премин помеѓу Јужна Америка и Антарктичкиот Полуостров |
60°0′S 67°16′W / 60.000° ЈГШ; 67.267° ЗГД | границата на Тихиот и Атлантскиот Океан | Минувајќи блиску до јужната граница на морето Скоша и Јужните Оркниски Острови, Јужна Џорџија и Јужни Сендвички Острови ( Аргентина има претензии) |
|title=
(help)