പ്രശസ്ത ചലച്ചിത്ര സംവിധായകനും തിരക്കഥാകൃത്തും നിരൂപകനുമായിരുന്നു എറിക് റോമർ. ഫ്രഞ്ച് നവതരംഗ സിനിമയുടെ വക്താക്കളിൽ ഒരാളായ റോമർ വിഖ്യാത സംവിധായകരായ ഗൊദാർദിന്റെയും ത്രൂഫോയുടെയും കൂട്ടാളിയായിരുന്നു.
ജീവിതരേഖ
ഫ്രാൻസിലെ ടുലിസിൽ 1920 ലാണ് ജനനം. 'സിക്സ് മോറൽ ടെയ്ൽസ്' എന്ന ചലച്ചിത്ര പരമ്പരയാണ് അദ്ദേഹത്തെ ശ്രദ്ധേയനാക്കിയത്. പ്രണയബന്ധങ്ങളുടെ പൊരുളന്വേഷിച്ച സിനിമകളിലൂടെ ശ്രദ്ധേയനായ റോമർ വിഖ്യാത ഫ്രഞ്ച്മാസിക 'കഹേദു സിനിമ'യുടെ എഡിറ്ററായിരുന്നു. വിദേശ ഭാഷാ ചിത്രത്തിനുള്ള ഓസ്കർ നാമനിർദ്ദേശം നേടിയ 'മൈ നൈറ്റ് അറ്റ് മോദ്സ്' ലോകമെങ്ങുമുള്ള ചലച്ചിത്രാസ്വാദകരുടെ പ്രശംസ പിടിച്ചുപറ്റി. 'പോളിൻ അറ്റ് ദ ബീച്ച്' ഉൾപ്പെടെയുള്ള ചിത്രങ്ങൾ ഒട്ടേറെ ചലച്ചിത്ര മേളയിൽ പുരസ്കാരങ്ങൾ നേടിയിട്ടുണ്ട്.