ရေအား (ဂရိ: ύδωρ, "water") သည် ကျနေသောရေ သို့မဟုတ် လျင်မြန်စွာ စီးဆင်းသည့်ရေစွမ်းအင်မှ ရရှိသည့် စွမ်းအားဖြစ်သည်။ ရှေ့ယခင်ကပင် ရေအားကို ဆည်သွင်းစိုက်ပျိုးရေးအတွက် ဖွံ့ဖြိုးမြဲစွမ်းအင်ပင်ရင်းအဖြစ် အသုံးချခဲ့ကြသည်။ ၁၉ ရာစုနှောင်းပိုင်းတွင် ရေစွမ်းအင်သည် လျှပ်စစ်ဓာတ်အားထုတ်လုပ်ရေး၏ ပင်ရင်းတစ်ခု ဖြစ်လာခဲ့သည်။ Northumberland ရှိ Cragside သည် ၁၈၇၉ ခုနှစ်တွင် လျှပ်စစ်ဓာတ်အားဖြင့် ပါဝါပေးသည့် ပထမဆုံးအိမ်ဖြစ်သည်။[၁] ပထမဆုံး စီးပွားဖြစ် ပါဝါစီမံကိန်းမှာ နိုင်ယာဂရာ ရေတံခွန်၌ ၁၈၇၉ ခုနှစ်တွင် တည်ဆောက်ခဲ့သည်။ ၁၈၇၉ ခုနှစ်တွင် နိုင်ယာဂရာ၏ လမ်းမီးများကို ရေအားဖြင့် မီးပေးခဲ့သည်။ ၂၀ ရာစုအစောပိုင်းကတည်းက ရေအားလျှပ်စစ်သည် တွင်ကျယ်လာခဲ့သည်။ ကမ္ဘာ့ဘဏ်ကဲ့သို့သော နိုင်ငံတကာအဖွဲ့အစည်းများက ရေအားလျှပ်စစ် ဖွံ့ဖြိုးမှုအား လေထုထဲ ကာဗွန်ဒိုင်အောက်ဆိုဒ် မရောက်ရှိစေဘဲ စီးပွားရေး တိုးတက်မှုအဖြစ် ရှုမြင်သည်။[၂] သို့သော်လည်း ရေကာတာများသည် သဘာဝပတ်ဝန်းကျင်ဆိုင်ရာ အကျိုးသက်ရောက်မှုကို ဖြစ်စေသည်။[၃]