والت ویتمن
|
والتر ویتمن جونیور. (اینگلیسی جه: Walter Whitman Jr)، (بزائه 31 می ما 1819- بمرده 26 مارچ ما 1892) اتا آمریکایی شاعر، مقاله نویسِن و روزنومهنویسِن بییه. وه ره اتا از شاعرئونی بشناسینه که آمریکایی ادبیات ره پِر تاثیر بشته و شه نویشتهئون دله دی رئالیسم ره کار زوئه و دی تِرَنسِندِنتالیسم ره کار وَرده. وره ویشتر تومئون، آمریکایی آزادِ شعر ره پِر بخوندستنه. والت ویتمنِ نویشتهئون به خصوص ونه شعری کلکسیون که وِره واشِ ولگئون گتنه اون گدر که وه زیوش کِردهیِ وسّه جنجالی بییه.
ویتمن هانتینگتونِ برز جزیره (Long Island) منطقه (نیویورک) دله دنیا بموئه، وه بروکلین دله گت بَیّه و شه ویشتر زیوش ره همونجه بُگذرِنّییه. 11 سال که بَیّه، مدرسه ره وِل هاکره تا کار سر بوره. وه معلمی کِرده و روزنومه نویسِن و دولتی منشی بییه. ونه شعرئون جمع هاکرد بئی کتاب، واشِ وَلگئون، اولین کَش 1855 گدر تنک بیّه، که وه شه پیلِ جه وره تنک هاکرده و خله شناسا بیّه و نوم در هاکرده. ویتمن واشِ وَلگئون جه تِجِسّه که اتا آمریکایی سوتخونی جه آمریکایِ عادی مردمئون ره دَس راس هکنه و وِشون جا ارتباط بَیره. ویتمن واشِ وَلگئونِ بنویشتن ره ادامه هدا و وره ویشتر و گت تِر کرده و اَی دَچی کرده تا 1892 گَدر که بمرده.
21 ارکه ما 1535 تبری، این ولگ اینگلیسی ویکیپدیا جه ترجمه بیّه.
{{cite web}}
: Check date values in: |access-date=
(help)نگهداری یادکرد:زبان ناشناخته (link)
{{cite web}}
: Check date values in: |access-date=
و |date=
(help)