Artícule scritte 'n
sud-laziale/cominése
La ceuétta (Athene noctua, Scopoli 1769), è ne cegliucc rapace netturn de la famiglia de gl Strigidae.
Se ne chenúscene 19 sottespèce:
La ceuétta è lònga cchiù o méne 21–23 cm, mesura 53–59 cm da la ponda de na scénna a l’ata é tè ne pise che va da 100 a puoche cchiù de 200 gramm. È terzuta, cape larie é chiatt sènza gl típece ciuff a le rècchie de gl jefone chemune, uocchie giall é zamb lòngh chepèrt da sétele. La part ngima è grigg-brune gnaccate de ghiangh mindr a chélla pessott prevale le ghiangh, gnaccate de brune.
La ceuétta ze tròva pe tutt gl Emesfère nòrd, a l’Auròpa, l’Asia é a l’Áfreca de gl nòrd. A l’Etalia è ne cegliucc ne muare chemune é è spase pe quasce tutta la penísera trann ca ngòpp’a l’Alp. Ce piace a abbetà vecin’a le case, addó ze tròvane gl uómmene, é a la zzòna de le culline. Nen sagl de cchiù de 1000 m d’avetézza pecché la néve ne gl fa trevà a magnà.
Cegliucc netturn pe antenemasia, la ceuétta a le vére pò èss attiva pure la séra é a prima mmatina, ma è assá víggele pure tutta la jernata.
Le ceuétt tiéve ne larie repertòrie vecale. Gl mašchie caccia ne malangúneche "hu-u-ou" repetute cchiù vòte, dòpp 3–4 second. Cèrt vòte, prò, quann z’ave a defènn, le ceuétt allúcchene mmòde faštediuse.
La ceuétta è carnacchiara. Comm tutt gl Strigiformes, è capace d’agliott le prède sane sane, é puó riètta fòre le part che nen pò alleggerì (pire, pènn, diénd, òssa, cuocc cheratinezzate de gl nziétt). Ze magna píccule vertebrate (pure píccule de lèpre) é nziétt ruoss.
Fà gl nide tra marz é giugn. La fémmena fèta 2-5 òva ghiangh dénd a cèrt cavótera mmiés’a gl merrune, a gl álbere, a gl mórera de fabbrecate viécchie, dénd a tane abbandenate de mammífere de mèsa taglia é puó l’ajòcca pe circa 4 semmane. A sse períede gl máscure l’ajuta a caccià. Dòpp ne mése o puoch cchiù gl píccule lássane gl nide ma puonn cambà da sule sulamènd a 2-3 misce de vita.