Aikidō

Aikidō (japaansch 合気道 oder 合氣道) is en japaansche Kunst vun dat Kämpen, de vun Morihei Uyeshiba in dat vergahn Johrhunnert grünnt wörrt un kummt vun dat Daito-ryu Aiki Jujutsu (大東流合氣柔術), en Kampkunst ahn Wapen vun de Samurai. De Naam sett sik tosammen ut den dree japaanschen Wörr 合 ai „Harmonie“, 氣 ki „Energie vun dat Leven“ un 道 do „Weg vun dat Leven“.

Een öövt de Techniken mit de Afsicht, dat egene Bewegen beter to maken bit dat se ganz vun sülvst aflopen, wenn een angrepen warrt. In dat Aikidō geiht dat dorüm sik wehren to könen, wenn dor een kummt un wat Böses will. Dat geiht nich dorüm, annern Schaden to doon. Dorüm schall bi en Aikidōtechnik keeneen to Schaden kamen, nich de, de sick wehrt, un ok nich de, de angriept.

Dat de Techniken to’n Afwehren dor sünd, bedüüdt, dat in den Aikidōtechniken keen Angriepen öövt warrn deit, man dat bedüüdt nich, dat dat dor gor keen Treed und Slääg bi gifft. So wat heet denn Atemi (japaansch 当て身 oder 当身) un is dorför dor, de Angrieper, de Uke ({IPA|ɯkɛ} 受け) ut de Waag brocht warrt un nich so oppasst, wat Nage, de Verdediger (投げ) mit em maakt.

Vun de Bewegen is das Mehrste in Form vun Krinken un Spiralen un dat warrt mit de Kraft ut dat Angriepen arbeitet un nich veel egene Kraft anwennt. Dat geiht veel dorüm, dat Denken un Doon un dat Luft halen in Gliekklang to bringen. Een deit de Bewegen öven, bit dat ok de Denkwies vun dat Aikidō op een övergeiht.

Vunwegen dat mehr en „Wehrkunst“ as en Kampkunst is, sünd de mehrsten Techniken ahn en Wapen, bloot de Uke hett mannigmal en Pook, de Tantō (短刀). Nu hebbt aver vele de Menen, dat een Aikidō nich verstahn kann, ahn de Wapen to kennen, un so gifft dat uk Aikiken (合気剣 mit en Sweert un Aikijō (合気杖) mit en langen Holtstock.

Dat gifft intwüschen vele verschedene Oorten vun Aikidō, vunwegen dat vele verschedene Schölers vun Uyeshiba geev un de dat, wat se bi em lehrt hebbt, alle in ehr egen Wies wiederföhrt hebbt.

Bi dat Öven driggt een en Antog ut en een Jack, de Gi 着, en Büx un en Gördel, de witt oder bi de Meesters swatt is. En Meester ({{lang|ja|先生|sensei) driggt dor in velen Scholen noch en düüsterblauen oder swatten Hakama 袴 tu. Normalerwies is een bi dat Öven in dat¯en Sporthall, de Dōjō (道場) heet. Dor gifft dat en paar Regeln för dat Bedregen. Dor hört to'n Bispeel to, dat een sik vörenanner verbögen deit.

Literatur

  • Kisshōmaru Ueshiba: Der Geist des Aikidō. Hrsg.: Kristkeitz. Heidelberg/Leimen 2003, ISBN 3-932337-37-9.
  • Kisshōmaru Ueshiba: Best Aikidō – The Fundamentals. Hrsg.: Kodansha International. 2008, ISBN 978-4-7700-2762-7 (englisch).
  • John Stevens: Unendlicher Friede. Die Biographie von Morihei Ueshiba, Gründer des Aikidō. Hrsg.: Kristkeitz. 2. Auflage. Leimen 2002, ISBN 978-3-921508-89-3.
  • Nobuyoshi Tamura: Aikidō – Etikette und Weitergabe. Hrsg.: Ondefo-Verl. 2. Auflage. Hagenow 2007, ISBN 978-3-939703-50-1.
  • André Protin: Aikidō – Die Kampfkunst ohne Gewalt: Ein Weg der Selbstfindung und Lebensführung. Hrsg.: Kösel. 1. Auflage. München 1984, ISBN 978-3-466-34092-7.
  • Bodo Rödel: Aïkido Grundlagen – Techniken, Prinzipien, Konzeption. Hrsg.: Meyer & Meyer. 1. Auflage. Aachen 2009, ISBN 978-3-89899-404-0.
  • Adele Westbrook, Oscar Ratti: Aikidō und die dynamische Sphäre – eine illustrierte Einführung. Hrsg.: Kristkeitz. Heidelberg/Leimen 2003, ISBN 978-3-921508-74-9.
  • Heinz Patt: Aikidō – Harmonie und Erfahrung (englisch) Gebundene Ausgabe, Hrsg.: Reuverton Editions Bonn 2007, ISBN 978-3-00-021624-4
  • Dirk Kropp, Christina Barandun: Aikidō – Die friedfertige Kampfkunst zur Persönlichkeitsentfaltung. Hrsg.: Kösel. 2. Auflage. München 2011, ISBN 978-3-466-34524-3.
  • Morihei Ueshiba, John Stevens: The Heart of Aikidō – The Philosophy of Takemusu Aiki. Hrsg.: Kodansha International. 2010, ISBN 978-4-7700-3114-3 (englisch).
  • Saotome Mitsugi: Aikidō and the Harmony of Nature. Hrsg.: Shambala. 1993, ISBN 978-0-87773-855-8 (englisch).
  • Taisen Deshimaru: Zen in den Kampfkünsten Japans. Knaur, München 1985, ISBN 3-426-04130-8
  • Coralie Camili: Kampfkunst. Merve Verlag, Berlin 2021, ISBN 9783962730468.

Weblinks

Aikidō. Mehr Biller, Videos oder Audiodateien to’t Thema gifft dat bi Wikimedia Commons.
Allgemein