केल्टिक राष्ट्र वा केल्टिक राष्ट्रत उत्तर पश्चिमी युरोपय् केल्टिक संस्कृति व भाषा ल्यनाच्वंगु भूभाग ख। थ्व खँग्वलय् राष्ट्रयात मनुतयेगु समान पहिचान, भाषा व संस्कृतिया पुचःया कथं वर्णन जु व सार्वभौमसत्ता सम्पन्न स्वतन्त्र राष्ट्रया रुपय् वर्णन मजु।
केल्टिक राष्ट्रया रुपय् खुगु भूभागयात वर्णित याइ। थुकिलि ब्रिटानी (Breizh), कर्नवाल (Kernow), आयरल्याण्ड (Éire), आइल अफ म्यान (Mannin), स्कटल्याण्ड (Alba), व वेल्स (Cymru) ला।[१][२] थ्व खुगु देय् नापं अष्ट्रिया व स्पेनया ग्यालिसियाया छुं भूभागयअ वासिन्दातयेसं नं थःयात केल्ट धाइगु या। [३][४][५] रोमन गणराज्य व जर्मनिक जनजातितयेगु बसोबास स्वया न्ह्य युरोपया आपालं थासय् केल्टिक बसोबास दयाच्वन। [६]