Lo Capitòli dels Estats Units (en anglés: United States Capitol) es lo bastiment que servís de sètge al Congrès–lo poder legislatiu dels Estats Units–. Es situat dins la capitala federala, Washington, DC. La construccion d'estil neoclassic comencèt en 1793 e s'acabèt en 1812. Es constituït d'un dòme e de doas alas. L’ala nòrd es lo sètge del Senat e l’ala sud es la de la Cambra dels representants.
Lo bastiment foguèt dessenhat a l'origina per William Thornton. Los plans foguèron puèi modificats per Benjamin Henry Latrobe puèi per Charles Bulfinch. Lo dòma actual e las alas de la Cambra e del Senat foguèron dessenhats per Thomas U. Walter e August Schoenborn, un imigrant alemand, puèi acabats jos la direccion d'Edward Clark.
Lo Capitòli compòrta un sistèma de transpòrt integrat, inaugurat en 1909 : lo mètro del Capitòli dels Estats Units. Consistís en tres linhas e sièis estacions e permet de religar las diferentas salas del Capitòli.