| |
Nom oficial | Allier (fr) |
---|---|
Entitat | departament francés |
Eponim | Alèir |
Administracion | |
Estat | França |
Division territoriala francesa | França metropolitana |
Region francesa | Auvèrnhe Ròse Aups |
País | Borbonés |
Capitala | Molins |
Politica | |
• President | Gérard Dériot (ca) |
Geografia | |
Coordenadas | 46° 20′ N, 3° 10′ E |
Superfícia | 7 340 km² |
Limitròf amb | Cruesa Sòna e Léger Léger Nièvre Char Puèi de Doma |
Punt culminant | Puy de Montoncel (ca) |
Fus orari | UTC+01:00 (ora estandard) UTC+02:00 (ora d'estiu) |
Demografia | |
• Totala | 334 872 ab. (1 de genièr de 2021 ) |
• Densitat | 45,62 ab./km² |
Autras informacions | |
ISO 3166-2 | FR-03 |
Embessonatges | Burkina Faso Cluj-Napoca Hemisset Niafonque Cucet |
Sit web | allier.fr |
Lo departament d’Alèir (o Alièr, z-Alavièr, mens localament Alier) (03) es una division administrativa, una circonscripcion electorala e una collectivitat territoriala de l’estat francés, escambarlat sobre lo nòrd dau domeni lingüistic occitan e lo sud dau domeni lingüistic francés, amb d’influéncias arpitanas a l’Èst.
Foguèt creat en 1790 a partir de la mai granda part de la província istorica de Borbonés, de qualques comunautats d’Auvèrnhe, Berric e Nivernés.
La prefectura z-es a Molins.
La populacion de la part occitana dau departament z-es de 249 259 abitants de 344 455 (2019).
En 1792, Alèir reçaup lo numèro postau 3 que gardarà fins au bot dau sègle XIX. En 1928, reçaup las letras AN coma còde per las immatriculacions de veïculs. En 1943, l’SNS (vengut INSEE en 1946) impausa lo còde geografic qu’atribuís lo 03 au departament. Aquela valor es represa en 1950 subre los veïculs (au començament sens lo 0) e en 1964 per la Pòsta. Au nivèu internacionau, lo departament a lo còde ISO 3166-2 FR-03 e lo còde NUTS-3:2016 FRK11.
Lo departament de Borbonés z-es creat lo 3 de febrièr de 1790, ambe 7 districtes (Cérilly, Cucet, Le Donjon, Gatnat, Molins, Montluçon e Montmaraut), e lo chapluòc a Molins. Ven lo departament d’Alèir abans lo 4 de març de 1790.
En 1800, z-es divisit en 4 arrondiments: Molins, Montluçon, Gatnat e La Paliça. En 1926 l’arrondiment de Gatnat z-es suprimit. En 1942, lo chapluòc de l’arrondiment de La Paliça z-es transferit a Vichèi.
Coma la mai granda part daus departaments, Alèir a pas d’escut oficial. Pasmens dins l’Armorial de Traversier (1842) e l’Atlas de Levasseur (1854) s’utilizava l’escut de Molins, sens lo chap de las flors de liri.
Veire: