کوسوو لبریشن آرمی ، کوسووائی البانویاں دی گوریلا تنظیم سی ، جہری 1990ء دے دہاکے چ کوسوو دی وفاقی جمہوریہ یوگوسلاویہ توں علیحدگی لئی قائم کیتی گئی سی ۔
کوسوو لبریشن آرمی دیاں یوگوسلاو فوج دے خلاف کاروائیاں پاروں یوگوسلاویہ دی فوج نے البانویاں دے خلاف اک وڈا کریک ڈاؤن شروع کیتا جس نال 1999ء- 1998ء دی کوسوو جنگ شروع ہوئی ۔ کوسوو چ سلابودان میلوسووچ دی قیادت چ یوگوسلاو فوج تے سرب ملیشیاواں دی کاروائیاں تے حملےآں نال کوسوو دے البانویاں نوں بوہت سارے علاقےآں توں باہر کڈ دتا گیا ، جس نال مہاجراں دا مسئلہ پیدا ہو گیا ۔ آخرکار نیٹو نے کوسوو دے البانوی نژاد باشندےآں دے خلاف نسلی صفائی دی اس مہم نوں روکن لئی علاقے چ مداخلت کیتی ۔ بعد چ عالمی عدالت انصاف نے وڈے پیمانے تے سربیا دے کوسوو دے البانویاں دے خلاف قتل ، جنسی جرائم تے دوجے جنگی جرائم دے ثبوت لبھے ، سرباں دی دہشت گردی تے قتل غارت دی وجہ توں کوسوو دے البانویاں دی اک ودی گنتی سرحد پار کر کے البانیا چ پناہ گزین ہو گئی ۔
ایہہ مسئلہ اقوام متحدہ دے کوسوو دا اتنظام سمبھالن دے مگروں حل ہویا ۔
کوسوو لبریشن آرمی 1998ء تک امریکہ ولوں دہشت گرد گروہ سمجھی جاندی رہی ۔