Алкалны металы — групова назва про хемичны елементы Li (литий), Na (натрий), K (калий), Rb (рубидий), Cs (цезий), Fr (франций). Суть то елементы 1. групы периодичной системы елементох.
Алкалны металы достали свою назву од того, же в реакции з водов творять силны алкалии.
Натрий и калий суть шестый и семый найросширенѣйшы в природѣ елементы, их одповѣдно на 2,6% и 2,4% обсягуе земна кора, Франций — велми рѣдкавый природный радионуклид и быв объявленый аж в року 1939. Легко оддають електрон и суть так реактивны, же практично в природѣ ся находять лем в злученинах.
Дають ся легко ковати, рѣзати ножом, на зрѣзѣ указують металичный блиск, котрый на воздуху пропадать наслѣдком оксидации. Мають высоку електропроводность. З водов бурно реагують, выслободжуючи гидроген, котры такой годен ся запалити, аж и выбухнути; резултатом реакции суть силны алкалии.