Державный город в Японии
Гирошима
яп. 広島市
|
Гирошима (яп. 広島市) — державный город в Японии, на югозападѣ острова Гоншю.
Гирошима — административный центер префектуры Гирошима, найвекшый город региона Чугоку, еден з двадцяткы найвекшых городох Японии, котры мають права префектуры. Морскый пристав в устю рѣкы Ота. Важный транспортный, промысловый, финанчный и културный центер. Город мать универзиту.
Лодярство, машинарство, автомобиловый, военный, гумарскый, деревообробный, папѣрьовый, текстилный, потравиновый, полиграфичный промысел. В городѣ положеный главный стан компании Mazda Motor Corporation.
Город взник в XVI.сторочу и выростав довкола феудалного замка. В резултатѣ америцкого атомового бомбардованя 6. августа 1945 цѣлком знищеный, позднѣйше обновленый. Историю города указуе Мемориалный музей Мира (1952) и Парк Мира з множеством скулптур. Обновлѣня города ся зачало уже в року 1950.