Село Украины
Довгое
Довге укр.
|
Довгое, укр. Довге — село в бывшом Иршавском районѣ (дн. Хустскый) Закарпатской области Украины.
Од року 2020 утворена Довжанска громада.
Лежить в долинѣ Боржавы, за 28 км од Иршавы.
Перва упоминка походить з року 1383 (Huzyumezeu), а в року 1404 уже упомянуте под его днешньов назвов (Dolha), котра походить од славянского Dolha (vesь) 'довге село' и свѣдчить о славянскых осадниках. Тота назва наступно вытѣснила попередну мадярску и зостала прията ай Мадярами доднесь.
7. юна 1703 нѣмецке войско в числѣ 900 воякох нечекано напало на таборуючых в Довгому куруцох и поразило повстанцьох. На память того боя в року 1902 в центрѣ села поставили памятник, котрый стоить доднесь. В року 1751 в Довгому зачали выпальовати вапно, выробляти стрѣшну бляху, в року 1760 зачала роботу папѣрня, перенесена з Лисичова. В року 1780 отворила ся ткалня, де ткали полотна з властных конопель и лену. Од року 1830 ту зачала роботу Гамора, котра вытопльовала ливарске желѣзо з околичных руд (тутешных ай з Бѣлок, Лисичова, Хуста). З желѣза выробляли кальгы, земледѣлскы серсамы. В року 1900 ту мали роботу 300 людей. Желѣзарня ся закрыла в року 1925. По року 1890 отворила ся пила, де выробляли рочно 10 тысяч вагоны пиленой лѣсопродукции (1911), а мали роботу 400 людей.
В року 1910 зоз 3524 обывательох были 2226 Русины, 509 Нѣмцѣ, 383 Мадяре и 332 Словаци. Перед Трианоном село было административным центром Довжанского округу (Dolhai járás) жупы Мараморош.
В року 1930 (чехословацка доба) зоз 4263 обывательох были 2911 Русины, 652 Чехы и Словаци, 509 Евреи, 76 Нѣмцѣ, 64 Мадяре, иншых народностей — 1, чужоземцѣ — 50. Найвекша, грекокатолицка, громада числила 2920 особ и мала муровану церкву Успѣня Пр. Богородицѣ з року 1911. В селѣ была русинска (7 клас) и чешска школа (5 клас), нотарскый уряд, пошта. телеграф, телефон, ходив приватный автобус.
24. октобра 1944 Червена армада выслободила Довге, и зачала ся украинска доба его истории. В селѣ были организованы земледѣлскый кооператив, лѣсопилна фабрика. До року 1969 выставили понад тысяч новых будинкох, хлѣбопекарню, комбинат служб, болницю на 40 постели, амбуланту, середню и восямрочну школу, клуб, амфитеатер В року 1954 отворена областна болниця на косткову туберкулозу на 100 постели.
В року 1971 Довгое достало статус мѣстечка котрый быв скасованый в року 1994.
Населены пункты Иршавского района |
||
---|---|---|
Міста: | районный центер Иршава | |
Села: | Арданово • Бѣлкы • Богаревиця • Брод • Бронька • Велика Ростока • Великый Раковець • Воловиця • Горбок • Гребля • Дешковиця • Довгое • Доробратово • Дубровка • Дубы • Дунковиця • Заболотное • Загатя • Зарѣча • Ивашковиця • Илниця • Имстичово • Камянске • Климовиця • Кобалевиця • Крайня Мартинка • Кушниця • Лисичово • Лоза • Локоть • Луково • Мала Ростока • Малый Раковець • Мѣдяниця • Негрово • Нижное Болотное • Ольховка • Осой • Подгорное • Приборжавское • Сельце • Смологовиця • Собатин • Суха • Хмѣльник • Чорный Поток |
|