Йонна (ріка)
| Йонна | |
|---|---|
| L'Yonne фр. | |
 Йонна в Осерѣ (Auxerre) | |
| Закладны числа | |
| Довжка току | 292,3 km |
| Плоха базену | 10 836 km2 |
| Проток в устю, середн. | 93 m3/s. |
| ...максималный | 1300 m3/s |
| Выток | |
| Верх Пренле, горство Морван вышка 738 m 46°57′19″N 4°00′38″E / 46.95528°N 4.01056°E | |
| Устя | |
| суток зоз Сенов в Монтро-фо-Йонн вышка 55 m 48°23′20″N 2°57′27″E / 48.38889°N 2.95750°E | |
| Путь до моря | |
| Сена → пролив Ла Манш | |
| Йонна на Викискладѣ | |
Йонна, фр. L'Yonne - внутроземска плавебна рѣка Франции. Назву рѣкы несе департамент Йонна, через котрый она тече. Рѣка мать выток в горствѣ Морван и напрямлять ся на сѣвер до Парижского базену. Через 292 км тока вливать ся в в Сену коло города Монтро-фо-Йонн, яко ей лѣвый приток.
Етимология назвы
Давна латинска назва рѣкы Йонна была Icauna. Давна назва походить од келт. Icauna, зашто обывателѣ департамента Йонна мають прозывку иконе фр. Icaunais.
Плавба
Мимо своих доста скромных розмѣрох, Йонна широко ся поуживать про плавбу. Грубы транспортны и пасажерскы шифы доходять горѣ током аж до Осера, административного центра департамента Йонна, циже горѣ рѣков на 120 км, хоть коло Осера широкость корыта чинить лем 50-75 м. На рѣцѣ е гидроелектрарня и система гатей и потопин, дякуючи котрой можуть плавати дость грубы лодѣ.
В устю, при Монтро-фо-Йонн, фр. Montereau-Fault-Yonne, широкость корыта доходить до 100 метры, и ту воды Йонны вливають ся до Сены, котра несе их дале до Парижа.
Рочно по Йоннѣ перевожують 1,8 млн. тон комерчных накладох. Плавебныма каналами рѣка звязана з базеном Роны (Бургундскый канал) на югу, а од року 2012 и з сѣвернов Европов (канал Сена – Сѣверна Европа). Рѣка широко ся поуживать и про водну туристику. За послѣдны рокы 45-60% туристох были Французы, зо загранича найвеце приходять Нѣмцѣ.
Куриозиты
Интересно, же в мѣстѣ сутоку Йонны и Сены перва мать векшу широкость и давны обывателе Монтро-фо-Йонн поважовали якраз Сену за приток Йонны, а не наспак. Йонну вызнали притоком Сены лем по точном вымѣряню, котре установило, же Сена довжа.
Жерела и одказы
- Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том 19, с. 612.
- Реки Франции: Йонна - левый приток Сены русс.
Референции
- ↑ Штатистика дебита рѣкы L'Yonne в Courlon-sur-Yonne (штация H2721010) за 54 рокы (1958-2011) фр.
- ↑ Révai nagy lexikona...
- ↑ Marie-Nicolas Bouillet, Dictionnaire universel d'histoire et de géographie, 1863, p. 1 908.
- ↑ Реки Франции: Йонна...
Тоты даны суть часточно або цалком основаны на перекладї статї Yonne (rivière) на французькій Вікіпедії.