Оскар

Церемония передаваня Оскарох, 1988

О́скар, англ. Oscar официално Academy Awards — каждорочна филмова награда, фундована Академиев филмовых умѣнь США, англ. Academy of Motion Picture Arts and Sciences, AMPAS, поважована за найпрестижнѣйшу во свѣтѣ награду во филмовом умѣню.

Взник

Створена в року 1928 на инициативу едного зоз фундаторох AMPAS и филмового штудия Metro-Goldwyn-Мауеr (MGM) в Голливудѣ продуцента Л. Б. Майера. Первый раз вручена 16. мая 1929. Назва Оскар, звязана з назвов статуеткы, символизуючой награду, появила ся од року 1939, хоть сама статуетка была створена и презентована скулптором Джорджом Стенли уже в року 1929 и вручана од зачатку.

Правила

Спочатку были 12 категорий награды, але уже в року 1930 — лем 7. Правила, процедуры и категории часто ся мѣняли. В року 1945 помѣняла ся тыж и высота статуеткы, правда, лем через высшый постамент. Теперь статуетка мать вышку 34,3 цм, а вага 3,8 кг, зроблена е з бронзу и позолочена. Од року 2012 суть номинации в 24 категориях. Номинантох вызначають за них голосують лем члены Академии, котры суть числом понад 6000 особ.

Вызнам

Окрем меджинародного вызнаня и престижа, награда Оскар може грати рѣшаючу роль в успѣху ей основных добывцьох. Напримѣр, награда за лѣпшый филм може значно звышити касовый успѣх филма. Актерам и режисерам награда часто приносить звекшѣня платнѣ, рост интереса масмедий и лѣпшы понукы филмох.

Интересны факты

  • Наймолодшов властительков Оскара стала ся 10-рочна Татум О'Нил за другопланову роль во филмѣ Папѣрьовый мѣсяць (1973).
  • Три раз в истории церемонию мусѣли одкласти:
  • Зачаточно имена лавреатох одкрывали новинкам з таков подмѣнков, же не будуть опубликованы до момента вручѣня наград, але в року 1939 Los Angeles Times напечатала имена лавреатох перед церемониев, однявши од ней напятость, а то быв еден з найуспѣшнѣйшых рокох филмовой индустрии; одтогды имена побѣдникох держать в найвекшой тайнѣ до официалного выголошѣня на церемонии.

Жерела и одказы

Референции

  1. 1,0 1,1 1,2 1,3 1,4 Миняев В. В.
  2. 2,0 2,1 2,2 2,3 Encyclopædia Britannic