Пейч

Город з правами жупы Пейч Pécs мад. Застава Герб Давны назвы Quinque Basilicae, 871 Держава МадярщинаМадярщина Жупа БараняБараня Округ Пейчскый Статус центер жупы Координаты 46.070833, 18.23305646°04′15″ с. ш. 18°13′59″ в. д. / 46.070833° с. ш. 18.233056° в. д. (G) (O) (Я) Розлога 162,77 км² Надморска вышка 153 м Обывательство 142873 особы (01.01.2019) Часова зона UTC+1, влѣтѣ UTC+2 Телефонный код (+36)72 Поштовый индекс 7600–7636 Официалный сайт мад.англ. Пейч Пейч на Викискладѣ

Пейч, мад. Pécs, нѣм. Fünfkirchen — город з правами жупы на югозападѣ Мадярщины, административный центер жупы Бараня, з обывательстом над 140 тысяч особ, пятый найвекшый мадярскый город по Будапештѣ, Дебреценѣ, Сегедѣ и Мишколцу.

Полога

Лежить в южной подошвѣ лѣсистых гор Мечек, в оддалѣню около 200 км на юг од Будапешта, около 50 км на запад од Дуная и около 60 км на запад од троймеджа Мадярщина–Сербия–Хорватия.

История

На том мѣстѣ быв римскый город Сопиане, лат. Sopianae, центер провинции Южна Паннония.

Перва исторична упоминка з року 871 именуе осаду лат. Quinque Ecclesiae 'пять церков'. Од зачатку XI. стороча входить до Мадярского кральовства. В року 1009 краль Штефан I. (1000–1038) заложив ту римокатолицке бискупство. Под днешньов назвов споминать ся од року 1235. Тота назва мать славянску етимологию од числа 5, в языку войводинскых Русинох: пейц.

В року 1367 краль Лайош І. Великый основав найстаршу Пейчску универзиту. В роках 1543–1686 Пейч быв под османсков окупациев. В року 1780 достав статус вольного кральовского города. Зачало ся копаня угля отвореным способом в горах Мечек (котре ся продовжовало до вычерпаня в зачатку XXI. стороча) и промысловый розвой. Од того часу доднесь ся захранили пивоварѣня (Péc­si Sörfőzde, 1848), виноробство (фабрика игристых вин Litt­ke, 1859), керамична фабрика Zsolnay, 1853.

Обывательство

Народностне зложѣня
В року	Мадяре	Нѣмцѣ	Ромы	Хорваты	Сербы	Румыны	Иншы/Не повѣли	Довъедна
2001	92,57%	3,11%	1,15%	1,05%	0,18%	0,08%	1,86%	100%
2011	84,03%	4,21%	2,02%	1,23%	0,20%	0,17%	8,14%	100%

Зложѣня подля вѣры
Року	Римокатолици	Реформаты	Евангелици	Грекокатолици	Иншой вѣры	Атеисты	Не повѣли	Довъедна
2011	39,7%	5,2%	1,3%	0,3%	2,5%	21,2%	29,8%	100%

Жерела и одказы

• "Pécs". Encyclopedia Britannica. 10 Jun. 2019. https://www.britannica.com/place/Pecs. . англ.
• Лобанов М. М. ПЕЧ //Большая российская энциклопедия. Том 26. Москва, 2014, стр. 142 Вебова верзия (2016); одчитана: 30.07.2021русс.
• Официалный сайт. http://www.pecs.hu. . мад.англ.

Референции