Село Люблинского воеводства
|
Потужин, поль. Poturzyn — село в Польщи, положене в Люблинском воеводствѣ, в Томашовском повѣтѣ, в гминѣ Телятин.
Потужин лежить около 8 км на сѣверовыход од Телятина, 40 км на выход од Томашова Любелского и 123 км на юговыход од воеводского центра Люблина.
Перва документована споминка датована роком 1472.
В року 1830, коли властительом Потужина быв Титус Войчеховски, меценаш умѣня, в его каштелю влѣтѣ перебывав Фредерик Шопен перед тым, як навсе охабив польску землю. Як споминку на тот побыт написав Nokturn g-moll (op. 15 nr 3) На память побыту Шопена в селѣ поставленый памятник.
В року 1847 Титус Войчеховски отворив в селѣ в триштоковой будовли перву польску цукроварню, до котрой на роботу приходили переважно зоз сосѣдной Галичины в числѣ до 400 роботникы.
14. августа 1914 ту была битка, в котрой достали раны 1300 воякы з российского и австрийского войска.
1. апрѣля 1944 украинскы воякы дивизии SS Hałyczyna замордовали в селѣ 162 Полякох.
В року 1947 в акции Висла вшиткы православны были депортованы. Быв меджи нима и Олег Мазурок, тогды девятьрочный дѣтвак.
Тоты даны суть часточно або цалком основаны на перекладах статей Poturzyn на польскій Вікіпедії a Poturzyn на анґліцькій Вікіпедії.