Пригоды доброго вояка Швейка за свѣтовой войны | |
---|---|
Автор | Ярослав Гашек |
Назва оригинала | Osudy dobrého vojáka Švejka za světové války |
Илустровав | Йозеф Лада |
Держава | Чехословакия |
Язык | чешскый |
Темы | Перва свѣтова война |
Жанер | сатира |
Датум появы |
1921–1923 |
Тип медиа | полиграфия |
Пригоды доброго вояка Швейка за свѣтовой войны на Викискладѣ |
Пригоды доброго вояка Швейка за свѣтовой войны (1921–1923), звекша курто Пригоды доброго вояка Швейка або бесѣдно лем Швейк) — гумористичный роман чешского писателя Ярослава Гашека, выданый на 58 языках, вецей раз нафилмованый и здраматизованый. Тот роман — найвекше Гашеково дѣло, котрое многы люде представляють собѣ нерозрывно споеным з конгениалныма иллустрациями Йозефа Лады. Гашекова смерть перервала роботу над романом.
Роман складать ся з четырьох части:
Четверта часть зостала недокончена. Уже при первом выданю романа выдаватель наняв познатого гумористу Карла Ванька, жебы роман закончив, и быв роман выданый з тым дописаным закончѣньом, таксамо проиллустрованом Йозефом Ладом. Главный герой, Йозеф Швейк, переходить рядом пригод, де ся усилуе за кажду цѣну пережити. Помагать му в том народна вынаходливость и хытрость. Уж од зачатку вызерать и справуе ся як дурняковатый простак, аж нательо, же е умѣщеный до шпиталю про симуланты и ненормалны, на лѣчѣня и контролу. Роман выкладеный обычайным простонародным языком, што зосилнюе еффект. Автор хоснуе жанры фрашкы и гротескы и через галерею карикатурных образох и гуморных ситуаций зосмѣшнюе абсурдность войны и жалостный стан роспадаючой ся милитантной дуалистичной монархии.
З литературной поставы, котрой Йозеф Лада придав и креслену подобу, став ся символ чешского народного характера, што дакотрым людям доднесь ся барз не любить. Бо з властностями ружоволицього вояка вяже ся симулация властной глупости, симулантство, лѣнивство або выраховна лицемѣрность. Може и зато перва статуя Швейка появила ся в Чехии онь року 2014.
Тоты даны суть часточно або цалком основаны на перекладї статї Osudy dobrého vojáka Švejka za světové války на чеській Вікіпедії.