Город в России
Саратов
|
Саратов — город, и административный центер Саратовской области, на рѣцѣ Волга, в европской части России.
Лежить в середньом току рѣкы Волга на правом березѣ Волгоградского водоема, великый пристав и желѣзничный узел.
Основаный в року 1509 як твердыня на оборону од нападу кочовникох. В року 1616 быв спустошеный и перейшов на инше мѣсто, в року 1674 ещи раз спустошеный в часѣ повстаня, зачим быв обновленый на старом мѣстѣ. Од року 1870 великый торговый центер, понеже став ся звязаный желѣзницьов з Москвов.
Саратов — великый промысловый комплекс, котрый ся простер вздовж рѣкы на многы километры. Мост через Волгу, отвореный в року 1965 зоз довжков 2,8 км — еден з найдовжых в Европѣ. Найвекшы промысловы конарѣ: машинарство и хемия. В регионѣ ся добывать ропа и земный газ, з котрых ся в городѣ выраблять шпиритус, синтетичны волокна, ацетон и амониум сулфат. Мать универзиту од року 1909 и вельо иншых высокых школ.
Город мать четыри театры, краеписный музей, музеи писательох Н. Г. Чернышевского и К. А. Федина.