Траге́дия, грец. τραγωδία, лат. tragoedia — драматичный жанер, закладеный на остром конфликтѣ через неможность реализации жадань протагонистох. Конфликт в трагедии мать глубокый филозофичный обсяг, духовный, моралный, социалный, политичный вызнам, споеный зоз острыма тяжкыма трапѣнями протагонисты, котрый ся наражуе на непоборны перепоны и програвать.
Трагедия ся вывинула в старовѣкой Греции, де была споена зоз ритуалами, в сценичных представлѣнях ся поуживали маскы и иншы строгы правила жанра, котры з ходом часу одмерли. Найвызнамнѣйшы авторы трагедий з того часу были Есхил, Софокл и Еврипид, в нововѣку Шекспир.