Чембало, лат. clavicymbalum — историчный музичный инштрумент, поуживаный в XVI. аж XVIII. сторочах и вытѣсненый з хоснованя клавиром в конци XVIII. стороча.
Инштрумент ся выпрацововав сторочами, а первы докончены екземплары появили ся в зачатку XVI. стороча, найстаршый захраненый инштумент е з року 1521.
Звук чембала ясный, але куртый, не маючый динамичной перемѣны, не е тыж можности змѣнити силу звука и тембр. Позднѣйше в дакотрых конштрукциях можность силнѣйшого звука достали здвоеныма або зтроеныма струнами, роззвучованыма з окремой клавиатуры.
Виртуозный штил чембаловой музыкы створив композитор и чембалиста Доменико Скарлатти.