Чорногорцѣ в народной ноши (1869–1870) | ||||||||||||||||||
Популация | ||||||||||||||||||
---|---|---|---|---|---|---|---|---|---|---|---|---|---|---|---|---|---|---|
Регионы зо значнов популациов | ||||||||||||||||||
| ||||||||||||||||||
Языкы | ||||||||||||||||||
| ||||||||||||||||||
Религия | ||||||||||||||||||
72% православны, 19% могамедане, 3% римокатолици, 1% атеисты, 5% иншы вызнаня |
Чорного́рцѣ (самоназвов чорн. Црногорци, Crnogorci) — южнославянский народ, основне обывательство Чорной Горы.
Славянскы предкы Чорногорцьох переселяли ся на Балканы в 6. – 7. сторочу. Од 11. стороча мали Чорногорцѣ уже властны державны формации (Дукля, Зента, Чорна Гора). В року 1499 были анектованы Османами, але не покорены и в року 1796 з помочов России одзыскали независимость. Од року 1918 входили в розличны державны формации з иншыма южныма славянами.
Характернов про Чорногорцьох еще и в 19. сторочу была родо-племенна организация сполоченства. Чорна Гора дѣлила ся на 4 области (нахии), кажда з котрых ся складовала з 10 и веце племен. Племена мали розличну етногенезу, складовали ся в розличных мѣрах з бѣженцьох: Герцеговцьох, Сербох, Албанцьох. Племена дѣлили ся на братства и родв, а роды на фамилии. Племена мали свою владу, суд и военску организацию.
Од часу централизации державной влады в 20. сторочу понятя племена формално заникло, але як фиктивне продовжать жити. Народ не лишать ся доднесь того понятя, хоть бы и фиктивного, и называть племеном групу з обывательством даколи зовсѣм розличного походжѣня. По традиции и фикции члены едного племена ся поважують як бы родинов и еще донедавна не могли меджи собой вступати до манжелства.