මයිකල් බොන්ඩ් | |
---|---|
උපත | තෝමස් මයිකල් බොන්ඩ් 13 ජනවාරි 1926 නිව්බරි, බර්ක්ෂයර්, එංගලන්තය |
මියගිය දිනය | 27 June 2017 ලන්ඩනය, එංගලන්තය | (වයස 91)
ජාතිකත්වය | බ්රිතාන්යය |
රැකියාව | ගත්කතුවරයා |
සක්රීය වසර | 1945–2017 |
ප්රධාන නිර්මාණ | පැඩිංටන් බෙයාර් කථාමාලාව |
කලත්රයා(යන්) |
|
දරුවන් | 2 |
තෝමස් මයිකල් බොන්ඩ් CBE (13 ජනවාරි 1926 – 27 ජූනි 2017) යනු බ්රිතාන්ය ගත්කතුවරයෙකි. ඔහු වඩාත් පසිඳු වූයේ, අපිනාමික චරිතය විදහාදැක්වෙන පැඩිංටන් බෙයාර් කථාමාලාව ලිවීම වෙනුවෙනි. මිලියන 35 කට වැඩි පැඩිංටන් පොත් සංඛ්යාවක් ලොව පුරා අලෙවි වී ඇති අතර ඒවායේ හමුවන චරිත චිත්රපට හා රූපවාහිනියෙහි විදහාදක්වා ඇත. ඔහුගේ පළමුවන පොත ප්රකාශයට පත් කෙරුණේ 1958 වසරෙහිදී වන අතර, අවසන් පොත 2017 දී එළිදැක්වෙමින් වසර 59 ක කාලපරාසයක් සනිටුහන් කෙරිණි. 2015 වසරෙහිදී රැජිණගේ උපන්දින සම්මාන පිරිනැමීමෙහිදී, බොන්ඩ් වෙත කමාන්ඩර් ඔෆ් දි ඕඩර් ඔෆ් ද බ්රිටිෂ් එම්පයර් ප්රදානය කෙරිණි.
නිව්බරි, බර්ක්ෂයර් හිදී තෝමස් මයිකල් බොන්ඩ් උපන්නේ 1926 ජනවාරි 13 දිනදීය. ඔහු ඇතිදැඩි වූයේ රීඩිං, බර්ක්ෂයර්හිදී වන අතර, එහිදී කෝර්නිෂ් රිවේරියා එක්ස්ප්රස් දුම්රිය නැරඹීමට රීඩිං දුම්රිය ස්ථානය වෙත ඔහුගේ චාරිකාවන් නිසා දුම්රියන් වෙත ඔහුගේ ප්රියමනාප බව ඇරඹිනි. ඔහුගේ පියා තැපැල් සේවයෙහි කළමනාකරුවෙකු විය.
බොන්ඩ් විසින් ගත්කතුවරණය ඇරඹුවේ 1945 වසරෙහිදී යුද්ධ හමුදාව සමගින් කයිරෝවෙහි ස්ථානගතව සිටින විටදී වන අතර, ඔහුගේ පළමුවන කෙටිකතාව ලන්ඩන් ඔපීනියන් සඟරාවට විකුණන ලදි. ගිනි හතක මුදලක් මෙය වෙනුවෙන් ඔහුට ගෙවන ලද අතර, ඔහු සිතුවේ "ලේඛකයෙකු වීම එතරම් නරක නොවන බවය".
ළමා සාහිත්යයට ඔහුගේ දායකත්වයන් අගැයීමක් වශයෙන්, 1997 උපන්දින සම්මාන තුලදී, ඕඩර් ඔෆ් ද බ්රිටිෂ් එම්පයර් (ඕබීඊ) හී නිලධාරියෙකු ලෙසින් බොන්ඩ් පත්කෙරුණු අතර 2015 උපන්දින සම්මාන තුලදී කමාන්ඩර් ඔෆ් දි ඕඩර් ඔෆ් ද බ්රිටිෂ් එම්පයර් යන්න ප්රදානය කෙරිණි (සීබීඊ).
බොන්ඩ් දෙවරක් විවාහ විය —1950 දී බ්රෙන්ඩා මේරි ජොන්සන් සමග විවාහ වූ අතර, ඇය වෙතින් 1970 ගණන් වලදී බොන්ඩ් වෙන් විය; ඉන්පසු, ඔහුගේ දික්කසාදය පිළිබඳ කටයුතු නිමවූ සැණින් පාහේ 1981දී සූසන් මාර්ෆ්රයි රෝජර්ස් සමගින් විවාහ විය. ඔහු හට දරුවන් දෙදෙනෙකු විය.
වසර 91 ක් ආයු වැළඳූ බොන්ඩ්, 2017 ජූනි 27 දිනදී ලන්ඩනයෙහිදී, මියගියේය. මරණයට හේතුව නොදැක්විණි.
<ref>
ටැගය;
The Guardian 28 November 2014
නමැති ආශ්රේයන් සඳහා කිසිදු පෙළක් සපයා නොතිබුණි<ref>
ටැගය;
bbc2014
නමැති ආශ්රේයන් සඳහා කිසිදු පෙළක් සපයා නොතිබුණි