Ciälhástuvvâst láá säänih, moh láá čonnâšâm nubijdis čovgâsubbooht ko celkkuu eres säänih. Ciälhástuv saanijd ij pyevti sirdâččiđ celkkuu siste peic jis ciälhástuv eres säänih-uv sirdojeh fáárust.
Ciälhástuvvâst ohtâ sääni lii ovdâsääni já ovdâsäänist pyehtih leđe miäruseh. Ovdâsääni lii ciälhástuv kuávdáš sääni: ovdâsääni puáhtá ovdâstiđ celkkuu ohtuu-uv, mut miäruseh iä.
Ciälhástuv miäruseh pyehtih leđe nubijdiskuin paldâlâs koskâvuođâst – tienuuvt kuábáš-uv lii čonnâšum ovdâsáánán mut iä nubijdis.
Miäruseh pyehtih leđe meid vuáládistum koskâvuođâst; tánávt ciälhástuv siste láá ohtâ teikkâ eenâb vuáládistum ciälhástuvah.
Tondiet ko celkkust táálu lii jieš ovdâsääni ciälhástuvvâst , tom ij pyevti kyeđđiđ meddâl, peic jis siämmást ubâ ciälhástâh kuáđđoo meddâl.
Ciälhástuvah nomâttuvvojeh ovdâsäänis säniluoka mield.
- adjektiv + substantiv ,
- pronomin + substantiv ,
- genetivrááhtus ,
- substantiv + substantiv
- lohosääni + substantiv , ,
- lohosääni + substantiv ,
Rááhtus lii motomin substantivciälhástâh, motomin lohosäniciälhástâh tađe mield, mii lohosaanijd tot lii já mon saajeest ciälhástâh lii.
- adverb + adjektiv ,
- interrogativpronomin + substantiv ,
- prepositio + substantiv ,
- substantiv + postpositio ,
- verbâ + substantiv ,
- verbâ + adverb
- verbâ + verbâ
Táválávt ubâ ceelhâ lii ráhtášum fiinitveerbâ pirrâ, já tienuuvt eres celkkuujesâneh láá táválávt veerbâ miäruseh. Nuuvtpa verbâciälhástuv uásih pyehtih lihâdiđ viehâ rijjâ celkkuu siste.