Tšernivtsi kuávlu (ukrainakielân Чернівецька область, romaniakielân Regiunea Cernăuţi) lii haaldâtlâš kuávlu Ukrainast. Kuávlu vijđodâh lii 8097 km² já tobbeen ääsih suulân 896 000 (2021) olmožid. Ton ránnjákuávluh láá nuorttân Vinnytsja kuávlu, uárjin Ivano-Frankivsk kuávlu já tavveen Ternopil kuávlu. Ránnjástaattân kuávlust láá mäddin Moldova já Romania. Kuávlu já siämmáánommâsii pirrâduv haaldâtlâš kuávdáš lii Tšernivtsi, kost ääsih 265 471 olmožid (2021).
Ukraina kuávluhaldâttuv vuossâmuu tääsist láá kuávluh já nube tääsist pirrâduvah (ukrainakielân район). Syeinimáánu 2020 kuávlu-uđâsmitmist Ukraina alemus rääđi meridij, ete Tšernivtsi kuávlun kuleh innig kulmâ pirrâduv:
Nommâ | Ukrainakielâg nommâ | Ässeeloho (2021) | Kaavpugliih (%, 2021) |
Vijđodâh (km2) |
Haaldâtlâš kuávdáš (ässeeloho 2021) |
Sajadâh káártást |
---|---|---|---|---|---|---|
Dnistrovsk pirrâdâh | Дністровський район | 154 440 | 22.9 | 2 120,0 | Kelmentsi (7 111 ässed) |
|
Tšernivtsi pirrâdâh | Чернівецький район | 651 772 | 51.1 | 4 098,2 | Tšernivtsi (265 471 ässed) |
|
Vyžnytsja pirrâdâh | Вижницький район | 90 354 | 22.3 | 1 878,8 | Vyžnytsja (3 875 ässed) |
Tšernivtsi lii kuávlu áinoo paijeel 50 000 ässee kaavpug.
|