Pokémon (Pocket Monster) nyaéta nami pikeun salah sahiji carita fiksi anu franchisena dipimilik ku Nintendo. Nu nyieun Pokémon namina Satoshi Tajiri. Pokémon mimiti kaluar taun 1995, teras ti dinya, caritana mekar pisan. Ayeuna Pokémon janten salah sahiji tina tilu franchise laris dunia anu masih diupdate numutkeun zaman (dua deui nyaéta James Bond sareng Transformers).
Nami Pokémon mangrupa nami romanisasi tina Pocket Monsters (ポケットモンスター, Poketto Monsutā). Panyebutan Pokémon dina bahasa Inggris antara kata singular sareng plural euweuh bédana. Spesies Pokémon sampai taun 2008 tos aya 493 jenis.
Konsép asli tina Pokémon, sapertos nu muncul dina vidéo game jeung sadaya fiksional Pokémon sacara umum, nyaéta ngumpulkeun sareng ngoleksi sadaya jenis Pokémon, basisna tina ngoleksi gegeremet, anu pernah di pikaresep ku Satoshi Tajiri sawaktos anjeunna masih alit. Dina vidéo game, pamaen disebut sabagai Pokémon Trainers. Tujuan Pokémon Trainers secara umum nyaéta ngumpulkeun Pokémon jeung ngumplitkeun Pokedex, sebuah ensiklopedia elektronik anu eusina kumplit ti batan buku cetak. Sadaya hal éta aya dina sakabéh seri Pokémon franchise, termasuk dina vidéo game, anime, manga, sareng trading card.
Versi orsinil Pokémon game nyaéta hiji RPG Jepang kalawan sababaraha elemen strategi, nu dijieun Satoshi Tajiri pikeun Game Boy. Ayeuna tos seeur seri vidéo game Pokémon anu sumebar di pasaran. Ti mimiti hideung bidas nepi ka digital 3-D nu aya warnaan, konsép orsinil sapertos nu dibabarkeun di luhur masih tetep dipertahankeun.
Franchise game Pokémon generasi kahiji nyaéta Pocket Monsters Aka and Midori ("Red" and "Green", dina versi bahasa Inggris) pikeun Game Boy di Jepang. Teras disampurnakeun janten Pokémon Red dan Blue keur dirilis secara internasional dina kaping 30 September 1998. Versi remake tina éta game dinamian Pokémon Yellow: Special Pikachu Edition, jumlah spesies nu aya di G1 nyaéta 151 spesies, ti mulai Bulbasaur sampai ka Mew.
Pokémon G2 dirilis taun 2000, nami vidéo gamena Pokémon Gold and Silver keur Game Boy Color. Versi remakena dinamian Pokémon Crystal nu diluncurkeun kemudian. G2 Pokémon ngamuat 100 spesies anu anyar, ti mimiti Chikorita sampai ka Celebri. Di versi ieu mulai diterangkeun nami region. Keur Pokémon G1 dinamian Kanto, sedang pikeun Pokémon G2 dinamian Johto.
Generasi katilu Pokémon dimimitian taun 2003 ku dirilisna Pokémon Ruby and Sapphire keur Game Boy Advance. Sapertos biasana, aya versi remake nu teras dinamian Pokémon Emerald. Salain ti eta, versi remake lain dirilis nu basisna ti Pokémon G1, nyaéta Pokémon FireRed and LéafGreen. Di versi anu teras disebat Advanced Generation ieu, jumlah Pokémon ditambihan deui 135 jenis. Mimitina ti Treecko, jeung diahiran ku Déoxys. Kalemahanna dina game Pokémon Ruby and Sapphire, ngan saukur 202 spesies Pokémon nu tiasa ditewak ku urang sabagai pemaen game. Sisana teu tiasa, kecuali mun anjeun nganggo kode licik (game shark).
Generasi kaopat Pokémon dimimiti taun 2006 ku dirilisna Pokémon Diamond and Péarl keur Nintendo DS. G4 nganggo setting carita di region Sinnoh. Pokémon nu ditambihkeun aya 107 spesies (dimimitian tina Turtwig jeung ditungtungan ku Arceus), nepi ka ahirna jumlah Pokémon ayeuna aya 493 spesies. Versi remake tina Diamond and Péarl nyaéta Pokémon Platinum.
Aspek utama nu masih teras aya dina serial Pokémon versi game — ti mimiti Pokémon Red and Blue dina Nintendo Game Boy nepi ka Nintendo DS game, Pokémon Diamond and Péarl — nyaéta pamilihan hiji tina tilu Pokémon anu berjenis berbéda. Saterasna ha lieu disebat Pokémon starter. Tilu jenis Pokémon anu aya téh nyaéta Pokémon jenis rumput, jenis seuneu, jeung jenis cai. Kebalikan pikeun Pokémon Yellow anu nganggo Pikachu pikeun starter. Samentara rival urang di Pokémon Yellow nganggo jenis Pokémon seuneu nu namina Eevee.
Serial TV sareng film téater Pokémon mangrupa versi pengembangan tina seluruh seri vidéo game Pokémon.
Dina serial Pokémon G1, Ash meunang Pokémon Pikachu, benten sareng dina vidéo game Pokémon Red dan Blue, di mana anu janten starter nyaéta Bulbasaur, Charmander, jeung Squirtle. Ash teras meunang rerencangan anu namina Brock sareng Misty. Tim ieu bertahan hingga G2. Di G3 Misty digentoskeun ku May sareng ditambihan ku raina May anu namina Max.
Di Pokémon G4, Ash jeung Brock pergi ke Sinnoh, di mana di lain tempat, May sareng Max angkat ka Johto. Di Sinnoh, Ash meunang rerencangan anyar anu namina Dawn.
Wikimedia Commons mibanda média séjénna nu patali jeung Pokémon. |
Pokémon
|
Artikel ini teu mibanda kategori. Pék bantuan Wikipedia pikeun nambahan kategori. Tag ieu dipasangkeun dina April 2017. |