சீன சீர்தர நேரம்

சீன சீர்தர நேரம் சீனாவில் உள்ள ஒற்றை சீர்தர நேரத்தைக் குறிக்கிறது; சீனா ஐந்து புவியியல் நேர வலயங்களில் பரந்திருப்பினும் நாடு முழுவதும் ஒருங்கிணைந்த அனைத்துலக நேரத்திற்கு எட்டு மணிநேரம் முன்னதாக உள்ள ஒ.ச.நே + 08:00 கடைபிடிக்கின்றது. இந்த அலுவல்முறை தேசிய சீர்தர நேரம் உள்ளூரில் பெய்ஜிங் நேரம் (எளிய சீனம்: 北京时间) என்றும் பன்னாட்டளவில் சீன சீர்தர நேரம் (CST) என்றும் அறியப்படுகின்றது. 1991 முதல் பகலொளி சேமிப்பு நேரம் கடைபிடிக்கப்படுவதில்லை.

சிறப்பு நிர்வாகப் பகுதிகள் தங்களுக்கான நேரக் கட்டுப்பாட்டு ஆணயங்களை கொண்டுள்ளன. இவை ஆங்காங் நேரம் (香港時間) என்றும் மக்காவு சீர்தர நேரம் (澳門標準時間) என்றும் அறியப்படுகின்றன. 1992 முதல் இவை பெய்ஜிங் நேரத்திற்கு இணையானவையாக கருதப்படுகின்றன.

ஒரே நேர வலயமாக ஒ.ச.நே + 08:00 உள்ளதால், மேற்கிலுள்ள சிஞ்சியாங்கில் குளிர்காலத்தில் கதிரவன் எழுச்சி காலை பத்து மணிக்கும் கோடை காலத்தில் கதிர் மறைவு நள்ளிரவிலும் நிகழ்கின்றது.

மேற்கோள்கள்