ஆறு காட்டு பெலிசு சிற்றினங்கள்; மேல்-இடதுபுறம், கடிகார திசையில்: ஐரோப்பிய காட்டுபூனை (பெ. சில்வெசுட்ரிசு), காட்டுப்பூனை (பெ. சாசு), ஆப்பிரிக்க காட்டுப்பூனை (பெ. லைபிகா), கருப்பு-பாத பூனை (பெ. நிக்ரிப்சு), மணல் பூனை (பெ. மார்கரிட்டா), சீன மலை பூனை (பெ. பைட்டி)
பெலிசு (Felis) என்பது சிறிய மற்றும் நடுத்தர அளவிலான பூனை சிற்றினங்களின்பேரினமாகும். இது ஆப்பிரிக்காவின் பெரும்பாலான பகுதிகளையும், ஐரோப்பா மற்றும் ஆசியா முதல் இந்தோசீனா வரையிலான 60° நிலநேர்க்கோட்டிற்கு தெற்கு பகுதியிலும் காணப்படுகிறது. இந்தப் பேரினத்தில் வீட்டுப் பூனைகளும் அடங்கும். இந்தப் பேரினத்தின் மிகச் சிறிய சிற்றினம் கருப்பு பாத பூனையாகும். இது 38 முதல் 42 செ.மீ. உடல் நீளமுடையது. உடல் நீளம் 62 முதல் 76 செ. மீ. வரை கொண்ட காட்டுப் பூனை மிகப்பெரிய சிற்றினமாகும்.
பெலினே பேரினங்களான, ஓட்டோகோலோபசு மற்றும் பிரியோனிலரசு ஆகியவை சுமார் 6.2 மில்லியன் ஆண்டுகளுக்கு முன்பு பெலிடேயின் யூரேசியா முன்னோடியிலிருந்து வேறுபட்டதாகவும், பெலிசு சிற்றினங்கள் 3.04 முதல் 0.99 மில்லியன் ஆண்டுகளுக்கு முன்பு பிரிந்ததாகவும் மரபணு ஆய்வுகள் குறிப்பிடுகின்றன.
சொற்பிறப்பியல்
பெலிசு என்ற பொதுவான பெயர் பண்டைய இலத்தீன் சொல்லான பிலிசு என்பதிலிருந்து பிறந்தது. இதன் பொருள் "பூனை" என்பதாகும்.
வகைப்பாட்டியல்
கார்ல் லின்னேயஸ் 1758 வரை அறியப்பட்ட அனைத்து பூனைகளையும் பெலிசு எனும் பேரினத்தில் உள்ளடக்கினார். பின்னர் வகைப்பாட்டியல் வல்லுநர்கள் பூனைக் குடும்பத்தை வெவ்வேறு பேரினங்களாகப் பிரித்தனர். 1917ஆம் ஆண்டில், இங்கிலாந்து விலங்கியல் நிபுணர் ரெஜினால்ட் இன்னசு போகாக், பின்வரும் அட்டவணையில் பட்டியலிடப்பட்டுள்ளவற்றை மட்டுமே உள்ளடக்கியதாக பெலிசு பேரினத்தைத் திருத்தினார்.தன்நிறப்புரி, எக்சு டி. என். ஏ., ஒய். டி. என். ஏ. மற்றும் இழைமணிகளின் டி. ஆக்சி-ரைபோநியூக்லியிக் அமில மரபணுப் பிரிவுகளின் பகுப்பாய்வின் அடிப்படையில் பட்டியலிடப்பட்ட பேரினங்களின் மதிப்பிடப்பட்ட மரபணு வேறுபாடு மில்லியன் ஆண்டுகளுக்கு முன்பு (Mya) வேறுபட்டதைக் குறிக்கப்படுகின்றன.
சிற்றினங்கள்
படம்
பன்னாட்டு இயற்கைப் பாதுகாப்புச் சங்கச் செம் பட்டியல் நிலை மற்றும் பர்வல்
பெலிசு இனங்கள் உயரமான மற்றும் அகலமான மண்டை ஓடுகள், குறுகிய தாடைகள் மற்றும் குறுகிய காதுகள் குறுகிய மயிர் கற்றைகள், காதுகளின் பின்புறத்தில் வெள்ளை புள்ளிகள் இல்லாமல் உள்ளன. இவற்றின் கண் பாவை ஒரு செங்குத்து பிளவாகச் சுருங்கியுள்ளது. 1904ஆம் ஆண்டில் பெ. தேமான் என சாடுனின் விவரித்த திரான்சுகாக்காசியாவிலிருந்து வந்த ஒரு கருப்பு பூனை காட்டுப் பூனை. அநேகமாகக் காட்டுப்பூனை மற்றும் வீட்டுப் பூனையின் கலப்பினமாக இது இருக்கலாம். கெல்லாசு பூனை என்பது இசுக்காட்லாந்தில் காணப்படும் வீட்டுப் பூனைக்கும் ஐரோப்பியக் காட்டுப்பூனைக்கும் இடையிலான கலப்பினமாகும்.
கோர்சிகன் காட்டுப்பூனை முதல் பத்தாயிரம் ஆண்டின் தொடக்கத்திற்கு முன்னர் கோர்சிகாவிற்கு அறிமுகப்படுத்தப்பட்டதாகக் கருதப்படுகிறது. ஒரு டஜன் பூனைகளில் மேற்கொள்ளப்பட்ட மரபணு ஆய்வு, இவை மத்திய கிழக்கில் தோன்றிய ஆப்பிரிக்கக் காட்டுப்பூனையுடன் நெருங்கிய தொடர்புடையன என்பதைக் காட்டுகிறது.
↑ 5.05.1Linnaeus, C. (1758). "Felis" (in la). Systema naturae per regna tria naturae: secundum classes, ordines, genera, species, cum characteribus, differentiis, synonymis, locis. 1 (Tenth reformed ). Holmiae: Laurentii Salvii. பக். 42–44. https://archive.org/details/mobot31753000798865/page/42.
↑Kitchener, C.; Easterbee, N. (1992). "The taxonomic status of black wild felids in Scotland". Journal of Zoology227 (2): 342−346. doi:10.1111/j.1469-7998.1992.tb04832.x.
↑Vigne, J.-D. (1992). "Zooarchaeology and the biogeographical history of the mammals of Corsica and Sardinia since the last ice age". Mammal Review22 (2): 87–96. doi:10.1111/j.1365-2907.1992.tb00124.x.