George VI

George VI (Albert Frederick Arthur George; 14 Disembala 1895 – 6 Febuluwale 1952) ikaŵa Fumu ya United Kingdom na Dominions of the British Commonwealth kufuma 11 Disemabala 1936 mpaka apo ikafwila mu chaka cha 1952. Ikaŵa fumu yaumalilo yakulamulila charu cha India kelekezgaOgasiti 1947, apo vyakudumbizgana vya British Raj vikadumbigika.George VI wamunthazi wakababika mu nyengo ya ulamulili wakwa gogo ŵake ŵanakazi Fumukazi Victoria; wakathyeka Albert pakubabika pakutolela zina lakwa gogo ŵa agogo ŵake a Albert, Prince Consort, ndipo wakathyekaso kuti "Bertie" ku banja lake na ŵanyake.Awiske ŵakakhala pa ufumu na zina lakuti George V mu 1910. Ngati mwana wachiŵili wa fumu, Albert wakamanya chala kuti wazamuŵa fumu. Wakakhala umoyo wake mu mzgezge wa mkulu wake, Prince Edward, uyo wakaŵa wakuti mpando ngwake wa ufumu. Albert wakasambila sukulu ya usilikali ngati ngwachichepelendipo wajagwila mu Royal Navy na Royal Air Force mu nyengo ya Nkhondo Ikulu Yakwamba. Mu 1920,wakapangika kuŵa Fumu ya York. Wakatola Elizabeth Bowes-Lyon mu 1923, ndipo ŵakababizgana ŵana ŵaŵili, Elizabeth na Margaret. Mu vyaka va pakati vya muma 1920, wakachema Lionel Logue kuti wamuvwila ku chikwikwi icho paumalilo wakasambilila kuchikola makola (chikwikwi). Mukulu wake mulala wakakhala pa ufumu nga ni Edward VIII awiskewo ŵati ŵafwa mu chaka cha 1936, kwene Edward ufumu wakauthula chaka chenechicho pakutola mwanakazi uyo wakatengwapo kaŵili waku America Wallis Simpson. Ngati ni fumu yachimanyemanye pakuti mukulu wake wauthula pasi udindo, Albert wakaŵa fumu yachitatu mu Nyumba ya Windsor, kutola zina la ulamulili lakuti George VI.

Mu Sekutembala 1939, British Empire na vyaro vinandi vya Commonwealth—kuuskako Ireland—vikatchay nkhondo yakulimbana na ma Nazi Germany. Nkhondo na Ufumu waku Italy na Empire of Japanukalondezgapo mu 1940 na 1941. George VI wakamanyikwa na mtima wake wakupulika vyakuŵaŵa vya ŵanthu na kuŵachitila lusungu,ukuku kukapangiska kuti wamanyiskwe chomene. Malo gha Buckingham Palace kakaphuliskika na ma bomba mu nyengo ya Blitz apo fumu na fumukazi ŵakaŵa penepapo, ndipo munung'una wake mdoko Fumu Kent wakakomeka pa chiwawa chenechicho. George wakamanyikwa ngati ntchimanyikwilo cha Britain pakuwina nkondo. Britain na vyalo vinyake ivyo vikaŵa luwande limoza vikaphala nkhondo mu 1945,kwene ufumu waku Britain ukawa.Chalo cha Ireland chikawa pasi chomene,kulondezgapo waka na Kujiyimila Pakwekha kwa India na Pakistan mu 1947. George wakafwa ku nthenda ya kubema hona mu 1952. Ufumu wake ukahalika na mwana wake wakwamba mwanakazi, Elizabeth II.