Конькиен бызьылӥсьёслэн калыккуспо союззы (ИСУ, англ. International Skating Union, ISU) — конькиен герӟаськем спортэн — фигурной нискыланъёсын, конькиен бызьылон спортэн но шорт-трекен — кивалтӥсь калыккуспо федерация.
Кылдытэмын Схевенингенын (Нидерланд) 1892 арын. Туж вуж калыккуспо спортивной федерациос пӧлысь одӥгез луэ. Солэн ужпумез — конькиен герӟаськем спортъёслы огъя правилоосты но нормативъёсты тупатыны, озьы ик калыккуспо ӵошатсконъёсты ортчытон радъяны.
Али союзлэн штаб-квартираез интыяське Лозанна карын, Швейцариын.