اس صفحہ میں اردو ویکیپیڈیا کی حکمت عملی بیان کی گئی ہے، جسے ویکی نویسوں میں انتہائی مقبولیت حاصل ہے نیز یہ تمام صارفین کے لیے واجب الاتباع معیار بھی ہے۔ آپ اس صفحہ میں ترمیم کرسکتے ہیں، لیکن خیال رہے کہ آپ کی کوئی ترمیم کسی اتفاق رائے کے خلاف نہ ہو۔ |
مکمل محفوظ | |
سانچہ محفوظ | |
نیم محفوظ | |
تخلیق محفوظ | |
منتقلی محفوظ | |
اپلوڈ محفوظ | |
نظر ثانی محفوظ | |
توسیعی تصدیق شدہ محفوظ | |
دفتر محفوظ | |
آبشاری محفوظ |
ویکیپیڈیا کا عام قاعدہ ہے کہ یہاں تمام صارفین خواہ مندرج ہوں یا غیر مندرج، انہیں ترمیم کی مکمل آزادی حاصل ہوتی ہے؛ یعنی ہر شخص ہر طرح کے مضامین لکھ یا اضافہ کر کے یا ان میں تصحیح و ترمیم کرکے تعاون کر سکتا ہے اور ویکیپیڈیا اس تعاون کی آزادانہ اجازت دیتا ہے۔ البتہ اگر کوئی صارف عام حکمت عملی یا آزادی کے اس اصول کی خلاف ورزی کرتا ہے یا مضامین میں کوئی مخصوص نظریہ یا موقف تھوپنے کی کوشش کرتا ہے جس میں دوسروں کے نظریہ کی ترجمانی کی اجازت نہ دی جائے تو یہ عمل ترمیمی جنگ چھیڑنے کا باعث بنتا ہے۔
نیز بسا اوقات نئے صارفین کی جانب سے تخریبی ترامیم بھی سامنے آتی ہیں، اسی طرح بعض صارفین بھی عمداً ویکیپیڈیا میں لکھے گئے مضامین کو خراب کرنا چاہتے ہیں۔ گو کہ یہ تمام تخریبی ترامیم واپس پھیری جا سکتی ہیں تاہم اگر یہ تخریب کاری زیادہ اور مسلسل ہوتی رہے تو اس صورت مین متاثرہ صفحات کو محفوظ کرکے ان میں ترمیم کی پابندی عائد کر دی جاتی ہے اور ان مضامین کو محفوظ کرنے، تبدیل کرنے یا رد کرنے کا اختیار صرف منتظمین کو ہوتا ہے۔
کسی صفحہ کو محفوظ کرنے کا عمل اس وقت ہوتا ہے جب اس میں بار بار تخریب کاری ہو رہی ہو یا اس سے پہلے متعدد مرتبہ تخریب کاری ہو چکی ہو۔ البتہ ویکیپیڈیا کے کثیر الاستعمال سانچے اس اصول سے مستثنی ہیں، اس لیے کہ ان سانچوں میں دانستہ یا نادانستہ تخریب کاری بہر صورت اُن تمام صفحات میں تبدیلی اور نقص پیدا کر دیتی ہے جہاں یہ سانچے مستعمل ہیں۔
محفوظ شدگی کی مدت، منتظمین کے تخمینہ اور صوابدید کے مطابق اور مضمون میں تخریب کاری کے اعتبار سے مقرر کی جاتی ہے؛ ہاں یہ بات یقینی ہے کہ دائمی محفوظ شدگی کا یہ عمل مخصوص حالتوں میں ویکیپیڈیا کی پالیسی کے مطابق ہوتا ہے۔
کسی صفحہ کو محفوظ کرنے کا عمل مضمون کے اعتبار سے یا اس کے ساتھ پیش آنے والی تخریب کاری کے لحاظ سے ہوتا ہے۔ چنانچہ محفوظ شدگی کی دو قسمیں ہیں۔
عمومی طور پر تبادلہ خیال محفوظ نہیں کیے جاتے۔ وقتی طور پر کسی مناسب وجہ جیسے تخریب کاری کی صورت میں نیم محفوظ کیا جاسکتا ہے۔
صارفی تبادلہ خیال گاہے ہی محفوظ کیے جاتے ہیں۔ ہاں، تخریب کاری کی وجہ سے ایسے صفحات کو محفوظ کیا جاسکتا ہے۔ ایک صارف کی درخواست کافی نہیں ہے، لیکن اگر کوئی مناسب وجہ ہو، تو اس کا خیال کیا جاسکتا ہے۔
صارف صفحات کو بنیادی طور پر آئی پی یا غیر توثیق شدہ صارف ترمیم/تخلیق نہیں کرسکتے۔ صارف صفحات اور ان کے ذیلی صفحات کو صارف کی درخواست پر کسی وجہ کو مد نظر رکھتے ہوئے محفوظ کیا جاسکتا ہے۔ بنا کسی وجہ کے یا خود بہ خود محفوظ نہیں کرنا چاہیے۔
اگر اردو ویکیپیڈیا کے کسی صفحہ کو محفوظ کرنا ہو تو یہاں اس کی درخواست دی جا سکتی ہے۔