کیٹی پیری

کیٹی پیری
(انگریزی میں: Katy Perry)
معلومات شخصیت
پیدائشی نام	(انگریزی میں: Katheryn Elizabeth Hudson)
پیدائش	25 اکتوبر 1984ء (40 سال)  سانتا باربرا، کیلیفورنیا
شہریت	ریاستہائے متحدہ امریکا
قد
جماعت	ڈیموکریٹک پارٹی
شریک حیات	رسل برانڈ (23 اکتوبر 2010–2012)
ساتھی	ڈیپلو (2014–2015)
مناصب
یونیسف کے خیر سگالی سفیر
آغاز منصب 3 دسمبر 2013
عملی زندگی
مادر علمی	سانتا باربرا سٹی کالج
پیشہ	گلو کارہ - گیت نگارہ ،  ادکارہ ،  صوتی اداکارہ ،  آپ بیتی نگار ،  میوزک پروڈیوسر ،  گٹار نواز ،  ماڈل ،  رقاصہ ،  کاروباری شخصیت ،  انسان دوست
مادری زبان	انگریزی
پیشہ ورانہ زبان	انگریزی
نوکریاں	یونیسف
کل دولت
دستخط
ویب سائٹ
ویب سائٹ	باضابطہ ویب سائٹ
	IMDB پر صفحہ
درستی - ترمیم

کیتھرین الزبتھ ہڈسن (پیدائش اکتوبر 25، 1984) جو پیشہ ورانہ طور پر کیٹی پیری کے نام سے مشہور ہیں، ایک امریکی گلوکارہ، نغمہ نگار اور ٹیلی ویژن مصنفہ ہیں۔ وہ 2010 کی دہائی  میں اپنے جدت بھرے  انداز کے لیے مشہور ہوئیں۔ سولہ  سال کی عمر میں کیٹی نے موسیقی کے شعبہ کا انتخاب کیا، کیٹی پیری  کا پہلا البم  تجارتی لحاظ سے ناکام رہا۔ یہ البم کیٹی ہڈسن(2001)، ریڈ ہل ریکارڈز کے تحت جاری کیا گیا۔ وہ موسیقی میں قدم رکھنے کے لیے سترہ سال کی عمر میں لاس اینجلس چلی گئیں۔ پہلے البم کی ناکامی کے بعد انھوں نے "کیٹی پیری" کا نام اپنی والدہ کے پہلے نام کی مناسبت سے اختیار کیا اور اس نام نے انھیں اوج کمال تک پہنچا دیا۔ پروڈیوسر گلین بالارڈ اور گریگ ویلز کے ساتھ، انھوں نے جاوا ریکارڈز اور پھر کولمبیا ریکارڈز  کے ساتھ  ایک البم ریکارڈ کیا جو منظر عام پر نہ آ سکا۔ اس کے بعد انھوں نے اپریل 2007 میں کیپیٹل ریکارڈز کے ساتھ ریکارڈنگ کا معاہدہ کیا۔

ذاتی زندگی

کیتھرین الزبتھ ہڈسن 25 اکتوبر 1984 کو سانتا باربرا، کیلیفورنیا میں پینٹی کوسٹل پادری میری کرسٹین  اور موریس کیتھ ہڈسن کے گھر  پیدا ہوئیں۔ پیری  انگریزی، جرمن، آئرش اور پرتگالی نسب  سے تعلق رکھتی ہیں۔ اپنی ماں کے رشتے سے  وہ فلم ڈائریکٹر فرینک پیری کی بھانجی ہیں۔ ان کا ایک چھوٹا بھائی ڈیوڈ بھی ایک گلوکار ہے۔

کیریئر

کیٹی پیری اب تک کے سب سے زیادہ فروخت ہونے والے البم اور نغمے گانے والے فنکاروں میں سے ایک ہیں، انھوں نے دنیا بھر میں 14 کروڑ 30 لاکھ سے زیادہ ریکارڈ  گانے موسیقی کمپنیوں کے اشتراک سے فروخت کیے ہیں۔ کیپیٹل کمپنی کے تحت منظر عام پر آنے والے اس کے تمام اسٹوڈیو البم انفرادی طور پر  ایک ارب سے زائد مرتبہ سنے جا چکے  ہیں۔ ان کے ریکارڈ میں 9 امریکی نمبر ایک انفرادی، تین امریکی نمبر ایک البم ہیں جنھیں دنیا بھر میں بے پناہ مقبولیت حاصل ہے۔ ان میں چار گنیز ورلڈ ریکارڈ، پانچ بل بورڈ  موسیقی ایوارڈ، پانچ امریکن موسیقی ایوارڈ، ایک برٹ ایوارڈ اور ایک جونو ایوارڈ شامل ہیں۔ کیٹی پیری کو 2011 سے 2019 تک موسیقی میں سب سے زیادہ کمانے والی خواتین کی فوربز کی سالانہ فہرستوں میں شامل کیا گیا۔ انھوں نے 2012 میں کیٹی پیری: پارٹ آف می کے عنوان سے ایک سوانحی دستاویزی فلم جاری کی۔ کیٹی پیری نے امریکن آئیڈل 2018(سولہویں سیزن) میں منصف کے طور پر بھی کام کیا۔ وہ دس کروڑ سے زیادہ پیروکاروں کے ساتھ ٹویٹر پر سب سے زیادہ پیروی کی جانے والی خواتین میں سے ایک ہیں۔

حوالہ جات