Li bokmål ( lingaedje des lives), c' est ene des deus rfondous del lingaedje norvedjin avou l' nynorsk.
Li bokmål vént do riksmål, ki sereut lomé e walon "lingaedje do rweyåme". Li riksmål egziste co todi eyet bråmint des djins pinsnut k' ces deus varyistés c' est les minmes. Tenawete, li riksmål n' est nén oficir eyet c' est ene varyisté pus conservatisse k' el bokmål.
Li bokmål est foirt sovint lomé li lingaedje des lives paski les norvedjin-cåzants djåznut nén e bokmål, mins avou leus diyalekes.
Ci rfondou ci est cåzé cåzumint tottavå el Norvedje, såf å Coûtchant wice les djins djåznut l' nynorsk. Asteme ki li bokmål eyet li nynorsk sont deus rifondowes cognes do norvedjin. Do côp, ces deus rfondous rola n' sont nén deus diferints lingaedjes.