ჭილოუშ კატუ (Felis chaus), მახვამილაფარი ბჟაშუმუ ჩხოლარი კატუშობურეფიშ ფანიაშე. თიში რსხულიშ სიგჷრძა — 80 სმ, მასა — 16 კგ-შახ. უღუ გჷრძე კუჩხეფი, უჯიშ ბოლოს კუნტა ქუჩუჩი. ხე ობჟათე-ბჟაეიოლ აფრიკაშ წჷმი დო ობჟათე-ბჟაეიოლ აზიაშ წყარმალუეფიშ ლეხერეფიშ შხირ ბარდვეფს. ჸოფილ სსრრ-ს — ვოლგაშ დელტას, კასპიაშ ზუღაშ ბჟადალ წყარპიჯის, შქა აზიაშ წყარმალუეფიშ ლეხერეფს. საქორთუოს — ხვალე ბჟაეიოლ ნორთის. გვალეფს 800 მ-შე უმოსი მაღალას ვეშმურს. ჭკომუნს ფურინჯეფს, ბჟაშუმუეფს. კანაკლე აბანეფს ორეწუალე ნოტყ-მაფურინჯეშ მოჯილიკუათ ართგვარი გავალს მეთმიორინუანს ოჯინორე მეურნობას. ჭილოუშ კატუშ ბოწოწი დარე ხარისხიშ რე.
ლიტერატურა
