D’ Ariana Grande-Butera(info) (* 26. Jüüni1993 z’ Boca Raton, Florida) ìsch a àmerikànischaSangera, Liadermàchera un Schàuischpìelera. Bekànnt worra-n-ìsch sa fìr ìhra viar Oktààwa groossa Schtìmmumfàng. Ìm Làuif vun ìhrer Kàrriar hàt sa zàhlriicha Üüsszaichnunga bikumma, wia unteràndrem zwai Grammy Awards, ain Brit Award, ain Bambi Award, zwai Billboard Music Awards, dräi American Music Awards, niin MTV Video Music Awards un 27 Guinness World Records.
ìhra Kàrriar
Ìhra Müüsikkàriar hàt d’ Grande mìt 15 Joohra-n-ààgfànga mìt’ra Rolla ìm Broadway-Operättla 13 üss’m Joohr 2008. A bsundera-n-Uffmärksààmkait hàt sa bikumma mìt dr Rolla vu dr Cat Valentine ìn dr Farnsahseria Victorious (2010–2013) un Sam & Cat (2013–2014) uff’m Kànàl Nickelodeon. Ànna 2011 hàt sa a Vertrààg biim Müüsiklabel Republic Records unterzaichent, nohdam àss Kàuifmanner vum Label ìhra äärschta Müüsikvideos uff YouTube gloost ghàà hann. Ànna 2013 ìsch ìn dr Grande ìhr äärscht Àlbum Yours Truly ärschìena. ’S ìsch a Pop- un R&B- Wark mìt Iifluss vum Doo-Wop vu da Joohra 1950. ’S Wark ìsch uff’m Schpìtzaplàtz vum US-Billboard 200 gsìì, wahrend àss d’ Hàuiptsìnggel The Way ìm Top-10 vum Billboard Hot 100 ànakumma-n-ìsch. Noh dr Veräffentligung vum Àlbum ìsch d’ Grande waga-n-ìhrem Schtìmmumfàng un Pfiifaregischter mìt dr Mariah Carey verglìecha worra.
Doo druff hàt d’ Grande zwai wittera Pop- un R&B-Àlba verräffentligt, My Everything (2014) un Dangerous Woman (2016). Mìt eläktroonischa Tànzmüüsik hàt My Everything ìn dr gànza Walt a groosser Ärfolg ghàà, bsunders mìt da Sìnggel Problem, Break Free un Bang Bang. Ìm Groossbritànnia-n-ìsch Dangerous Woman s’äärscht vun dr Grande ìhra viar Nummer-Ains-Àlba worra. Àm 22. Mai 2017 ìsch bii’ma Konzärt vu dr Ariana Grande z’ Manchester a islàmìschter Ààschlààg gsìì. Doo sìnn 22 Litt ums Laawa kumma. Fìr d’ Opfer eehra hàt d’ Grande s’ Woohltaatigkaitskonzärt „One Love Manchester“ orgànisiart, wu mehrera Kìnschtler dràà mìtgmàcht hann. Ìn dr Grande ìhra pärseenliga Probläma hann ìhr viart un fìmf Àlbum, Sweetener (2018) un Thank U, Next (2019) schtàrk biiflusst, wo-n-a sehr groossa-n-Ärfolg ghàà hann. Sweetener ìsch mìt’m Grammy Award vum Bäschta Pop-Schtìmmàlbum üsszaichent worra, wahrend àss Thank U, Next dr Rekord vum maischtgloosta-n-Àlbum uff’m Internet gbrocha hàt un àls „Àlbum vum Joohr“ nominiart worra-n-ìsch. Mìt da Sìnggel Thank U, Next, 7 Rings un Break Up with Your Girlfriend, I’m Bored ìsch d’ Grande d’ äärschta Solo-Kìnschtlera worra, wo gliichzittlig dräi Liader ìm Hot 100 ghàà hàt. Sa ìsch nochamol uff’m Schpìtzaplàtz ìm britischa Sìnggel-Chart gsìì. Ànna 2020 hàt sa zamma mìt’m Justin Bieber s’ Liad Stuck with U-n-uffgnumma, un àui Rain on me zamma mìt dr Lady Gaga. Mìt dana Liader ìsch sa d’ Kìnschterla worra mìt da maischta Nummer-Ains-Hits ìn äärschter Wucha. Ìn dr Grande ìhr säckscht Schtüdio-Àlbum Positions ìsch ànna 2020 ärschìena —’s ìsch vor àllem a R&B-Wark. Ìn dr äärschta Wucha-n-ìsch s’ Hàuiptliad vum Àlbum uff’m Schpìtzaplàtz vu da Charts ìm Groossbritànnia un ìn da USA gsìì. Ànna 2021 hàt d’ Grande àn’ma Remix vum Liad Save Your Tears vum Sanger The Weeknd mìtgmàcht; ’s ìsch ìhra säckschta Nummer-Ains-Sìnggel ìm Àmerikà gsìì.
D’ Ariana Grande wìrd oft àls Pop-Ikoona-n-ààglüagt. Sa ìsch aina vu da komerziäll ärfolgriichschta Müüsikànta, mìt mehr àss 85 Millioona verkàuifta Schàllplàtta ìn dr Walt. Àlla ìhra Àlba sìnn mìndeschtens àls Plàtin-Schàllplàtta-n-üüsszaichent worra. Drzüa ìsch sa d’ wiibliga Kìnschtlera, wo-n-uff da Internet-Plàttforma Spotify un Apple Music àm maischta gloost wìrd, un àui d’ wiibliga Müüssikànta, wo d’ maischta-n-Àbonnanta uff YouTube hàt. Ànna 2016 un 2019 ìsch sa vu dr Zittschrìft Time unter da 100 iiflussriichschta Litt ìn dr Walt glischtet worra. Sa ìsch àui vu dr Zittschrìft Billboard àls „Fràui vum Joohr“ (2018) un àls „bediitendschter Popschtar vu 2019“ ärnännt worra. Naawa-n-ìhrer Müüssikkàriar hàt d’ Grande zamma mìt zàhlriicha Woohltaatigkaitsorgànisàzioona gschàfft. Sa unterschtìtzt Tiarrachta, d’ Rachta vu da Gaischteskrànka, so wia Gliichschtällung vu da Gschlachter un LGBT-Rachta. Sa schtällt sìch àui geega Ràssismus. Uff da soziààla Nätzwark folgt ìhr a braita Puplikum: uff Instagram hàt sa mehr àss 300 Millioona Àbonnanta (Schtànd: 2022) un ìsch ànna 2019 d’ maischgefolgta Fràui gsìì —ànna 2021 hàt sìe d’ Kylie Jenner iigholt. Drzüa hàt sa a pààr Projakter ìn dr Koschmeetik- un Mooda-n-ìndüschtrii z’waag gbrocht.
ìhra Diskogràfii
Schtüdio-Àlba
2013: Yours Truly
2014: My Everything
2016: Dangerous Woman
2018: Sweetener
2019: Thank U, Next
2020: Positions
ìhra Filmogràfii
2009: The Battery’s Down (Farnsahseria)
2010–2013: Victorious (Farnsahseria)
2011: iCarly: Party mit Victorious (Farnsahfilm)
2011–2013: Winx Club (Fernsahseria, Schtìmma-n-àls Prinzässa Diaspro)
2012: Figure It Out (Farnsahseria, Folga 5x14)
2013: Fußball – Großes Spiel mit kleinen Helden (Ànimàzioonsfilm)
2013: Der große Schwindel (Swindle, Farnsahfilm)
2013–2014: Sam & Cat (Farnsahseria)
2014: Family Guy (Farnsahseria 1 Folga)
2014, 2016: Saturday Night Live (Farnsahsandung, 2 Folga)
Martha London: Ariana Grande (= Biggest Names in Music). North Star Editions, 2020, ISBN 978-1-64493-661-0 (amerikanisches Englisch, 32 S., Iigschränkti Vorschau uf books.google.de).
Heather E. Schwartz: Ariana Grande: Music Superstar. Lerner Publishing Group, 2020, ISBN 978-1-72840-583-4 (amerikanisches Englisch, 32 S., Iigschränkti Vorschau uf books.google.de).
Heather E. Schwartz: Ariana Grande: From Actress to Chart-Topping Singer. Lerner Publishing Group, 2014, ISBN 978-1-4677-4730-1 (amerikanisches Englisch, 32 S., Iigschränkti Vorschau uf books.google.de).
Jack Goldstein, Frankie Taylor: 101 Amazing Facts about Ariana Grande. Andrew UK Limited, 2015, ISBN 978-1-78538-127-0 (britisches Englisch, 25 S., Iigschränkti Vorschau uf books.google.de).
Lisa T. Avalos: Ariana Grande: The Voice That Echoed. Amazon Digital Services LLC - Kdp, 2023, ISBN 979-88-5713296-8 (amerikanisches Englisch, 64 S., Iigschränkti Vorschau uf books.google.de).
Rachel Daniels: Meet Ariana Grande! Hrsg.: Morgan Brody. Mitchell Lane Publishers, ISBN 978-1-68020-864-1 (amerikanisches Englisch, 24 S., Iigschränkti Vorschau uf books.google.de).
The Ariana Grande Handbook: Everything You Need To Know About Ariana Grande. Emereo Pty Limited, ISBN 978-1-4891-1710-6 (amerikanisches Englisch, 182 S., Iigschränkti Vorschau uf books.google.de).
United Library (Hrsg.): Ariana Grande: The Biography of an American Teenage Actress Turned Pop Icon. 2024, ISBN 978-94-6490-137-5 (amerikanisches Englisch, 66 S., Iigschränkti Vorschau uf books.google.de).
James Thompson: A Voice for a Generation, An Inspiration to the World. Amazon Digital Services LLC - Kdp, 2023, ISBN 979-88-7055255-2 (englisch, 80 S., Iigschränkti Vorschau uf books.google.de).
Der steile Aufstieg von Ariana Grande. In: Nöii Zürcher Ziitig. 23. Mai 2017 (Schweizer Hochdeutsch, nzz.ch [abgerufen am 14. Februar 2024]).
↑Marc Neumann: Der Popstar und der Terrorist. In: Neue Zürcher Zeitung. 26. Mai 2017 (Schweizer Hochdeutsch, nzz.ch).
↑Ariana Grande, Miley Cyrus und Co. sorgen für grosse Emotionen. In: Nöii Zürcher Ziitig. 5. Juni 2017 (Schweizer Hochdeutsch, nzz.ch [abgerufen am 14. Februar 2024]).
Almost Is Never Enough • Best Mistake • Brand New You • Be Alright • Let Me Love You • Jason’s Song (Gave It Away) • Somewhere Over the Rainbow • Arturo Sandoval • The Light Is Coming • Imagine • A Hand for Mrs. Claus
Featurings
Popular Song •
Adore •
Boys Like You •
Over And Over Again •
This Is Not a Feminist Song •
My Favorite Part •
Faith •
Heatstroke •
Quit •
Dance to This •
Bed •
Rule the World •
Good as Hell (Remix) •
Time •
Oh Santa!
Tourneen
The Listening Sessions •
Honeymoon Tour •
Dangerous Woman Tour •
Sweetener World Tour
Dä Artikel basiert uff ere fräie Übersetzig vu dere Version vum Artikel „Ariana_Grande“ vu de änglische Wikipedia. E Liste vu de Autore un Versione isch do z finde.