Inselgruppe
E Inselgruppe isch e Gruppe vo mehrere Insle.
Definition
Mit em Begriff Inselgruppe wärde mehreri Insle zun ere Gruppe zsämmegfasst, wo relativ nooch binenander lige und relativ wiit ewäg vo andere Insle si. Inselgruppe chönne ihrersits us einzelne Insle und Inselgruppe bestoh, wie das öbbe bi dr südpazifische Inselrepublik Vanuatu dr Fall isch.
E Synonym für Inselgruppe isch im hütige Sproochgebruuch dr Fremdwortbegriff Archipel, au wenn das Wort, wo us em Griechische chunnt, eigentlig en „Inselmeer“, d. h. en Inselregion beschriibt, wo us Insle und Inselgruppe und s Meer zrings ume bestoht.
Inselgruppe wie öbbe d Azore oder Hawaii lige uf ere underseeische Erhebig und löön sich eso geographisch oder geologisch zsämmefasse. Mänggisch spiile aber für d Zsämmefassig vo mehrere Insle zun ere Inselgruppe vor allem politischi, historischi oder kulturelli Kriterie e Rolle. Das gältet au für d Underdeilig von ere Inselgruppe, wo geographisch zsämmeghört, in Undergruppe (z. B. die West- und Ostfriesische Insle).
Au chönne, wie im Fall vo de Ionischen Insle alli Insle im ene Meer oder Näbemeer zun ere Inselgruppe zsämmegefasst si.
Je noch dr Topografii vo de Insle redet mä von ere Inselchetti, eme Inselbooge oder au von ere Doppelinsle.
E bsundrigi Form bilde d Insle vom ene Atoll, si wärde meistens under em Begriff Atoll zsämmegfasst.
E baar grossi Inselgruppen oder Archipel
Im Atlantische Ozean
- Färöer
- Britischi Insle
- Azore
- Kanarischi Insle
- Westindischi Insle
- Kapverdischi Insle
- Südligi Sandwichinsle
Im Pazifische Ozean
- Aleute
- Kurile
- Japan
- Philippinen
- Hawaii-Insle
- Mariane
- Karoline
- Indonesische Archipel
- Salomon-Insle
- Neuji Hebride
- Samoa-Insle
- Marquesas
- Gsellschaftsinsle
- Tuamotu-Archipel
- Neuseeland