Dr Steven Allan Spielberg, KBE (* 18. Dezämber 1946 z Cincinnati, Ohio) isch en amerikanische Reschissöör, Broduzänt, Dräibuechautor und Schauspiiler. Vom Gäld us, wo sini Film verdient häi, isch er bis hüte dr erfolgriichsti Reschissöör und Broduzänt.
Zu sine bekanntiste Film, wo vilmol vo Dröim, Ängst und Abentüür brägt si, ghööre u. a. Der weiße Hai (1975), E.T. – Der Außerirdische (1982), Jurassic Park (1993), Schindlers Liste (1993), Der Soldat James Ryan (1998), Minority Report (2002) und die vierdäiligi Indiana-Jones-Räije (1981–2008).
Dr Spielberg isch stark vo Filmmacher wie em Stanley Kubrick, Walt Disney, Alfred Hitchcock, John Ford, Frank Capra, David Lean, Orson Welles und Akira Kurosawa beiiflusst worde, aber au vo Drickfilm, Comics und em Färnseä. Zu de tüpische Markezäiche vo Spielberg-Film ghööre die genauji Beobachdig vo Alldaagssituazioone und d Konfrontazioon vo amerikanische Durchschnittstüpe mit höggst ussergwöönlige Eräigniss. Sini Film sände e Botschaft vo Versöönig, wo uf dr äinte Site kindlig naiv isch, und uf dr andere ärnsthaft humanistisch. Er wändet iidrucksvolli Liecht- und Spezialeffekt aa und ungwoonti Perspektive. S Verheltnis zwüsche dr Füerig vo dr Kamera und de Schauspiiler isch mäistens duurechoreografiert und d Inszenierig appelliert intensiv an d Gfüül vo de Zueschauer (Suspense, Lache, Grusle, au Ekel und Hüüle).
Reschii
Dräibuech
Produkzioon
|
Exekutive Broduzänt
Schauspiiler
|
Dä Artikel basiert uff ere fräie Übersetzig vum Artikel „Steven_Spielberg“ vu de dütsche Wikipedia. E Liste vu de Autore un Versione isch do z finde. |