Taxonomie
E Taxonomii (gr. τάξις táxis ,Ornig’ und νόμος nómos ,Gsetz’) oder e Klassifikazioonsschema isch en äihäitligs Verfaare oder Modäll, wo mit em Objekt noch bestimmte Kriterie klassifiziert wärde, das häisst in Kategorie oder Klasse (mä säit ene au Taxa) iigordnet wärde. Naturwüsseschaftligi Diszipline verwände dr Begriff vo dr Taxonomii für e Klassifikazioon, wo im Allgemäine hierarchisch isch (Klasse, Underklasse usw.).
| Bischbil: D Taxonomii in dr Biologii | ||
|---|---|---|
| Dütsch | Latiinisch | Bischbil |
| Riich | Regnum | Vilzälligi Dier |
| Abdäilig/Stamm | Divisio/Phylum | Chordadier |
| Understamm | Subphylum | Wirbeldier |
| Klass | Classis | Süüger |
| Ordnig | Ordo | Raubdier |
| Überfamilie | Superfamilia | Chatzenartigi |
| Familie | Familia | Chatze |
| Underfamilie | Subfamilia | Chläichatze |
| Gattig | Genus | Altwält-Wildchatze |
| Art | Species | Wildchatze |
| Underart | Subspecies | Öiropäischi Wildchatze |
Taxonomie si für d Entwigglig von ere Wüsseschaft vo gröösserer Bedütig: Si mache s äifacher mit Äinzelfäll umzgoo und mache summarischi Ussaage mööglig, wo bis zun ere Erkläärig vo Zämmehäng cha goo. Si zwingen äim d Underschiid zwüsche de Kategorie genau z definiere und eso verstoot mä dr Undersuechigsberiich besser.
Anthropologischi Undersuechige zäige, ass d Taxonomie, wo in bestimmte Sprooch- und Kulturrüüm verwändet wärde, in örtligi, kulturelli und soziali Süsteem iibettet si und underschiidlige soziale Zwäck diene. Äini vo de bekanntiste und iiflussriichste Studie über Laie-Taxonomie (folk taxonomies) isch im Émile Durkheim si Les formes élémentaires de la vie religieuse (dt. Die elementari Form vom religiöse Lääbe.)
Litratuur
- Marc Ereshefsky: Natural Kinds in Biology (MS Word; 26 kB), in: Routledge Encyclopedia of Philosophy 2009 (und weitere Drafts und bibliographische Hinweise).
- Michel Foucault: Die Ordnung der Dinge. Eine Archäologie der Humanwissenschaften. 13. Uflaag. Suhrkamp, Frankfurt am Main 1995, ISBN 3-518-27696-4.
- Werner Kunz: Was ist eine Art? In der Praxis bewährt, aber unscharf definiert. In: Biologie in unserer Zeit. 32/1 (2002), S. 10–19, ISSN 0045-205X.
- Paul Michel: Ordnungen des Wissens. In: Ingrid Tomkowiak (Hrsg.): Populäre Enzyklopädien. Von der Auswahl, Ordnung und Vermittlung des Wissens. Chronos, Züüri 2002, S. 35–85, ISBN 3-0340-0550-4.
- Rupert Riedl: Strukturen der Komplexität? Eine Morphologie des Erkennens und Erklärens. Springer, Berlin 2000, ISBN 3-540-66873-X.
- Emma Tobin: Bibliography on Natural Kinds, AHRC, Bristol 2011.
Weblingg
Commons: Taxonomii – Sammlig vo Multimediadateie- Dr Internazionali Kood vo dr Botanische Nomenklatur
- International Association for Plant Taxonomy
- Integrated Taxonomic Information System (ITIS)
- Numerischi Taxonomii in dr Linguistik (Dialektometrii)
- Globale Taxonomie Initiative Deutschland
Fuessnoote
- ↑ Taxonomie, In: Wolfgang J. Koschnik: Standardwörterbuch für die Sozialwissenschaften, Bd. 2, Münche London New York Paris 1993, ISBN 3-598-11080-4.
|
Dä Artikel basiert uff ere fräie Übersetzig vum Artikel „Taxonomie“ vu de dütsche Wikipedia. E Liste vu de Autore un Versione isch do z finde. |