S BE im Lemma isch s offiziell Chürzel vom Kanton Bärn und wird bruucht, zum Verwächslige mit Yträäg vom Name Ursenbach vermyde, wo öppis anders meined. |
Ursenbach | |
---|---|
Basisdate | |
Staat: | Schwiiz |
Kanton: | Bärn (BE) |
Verwautigschreis: | Oberaargou |
BFS-Nr.: | 0344 |
Poschtleitzahl: | 4937 |
Koordinate: | 625412 / 220779 |
Höchi: | 582 m ü. M. |
Flächi: | 9.2 km² |
Iiwohner: | 866 (31. Dezämber 2022) |
Website: | www.ursenbach.ch |
Urschebech | |
Charte | |
Urschebech (amtlech Ursenbach) isch e politischi Gmeind im Verwautigschreis Oberaargou im Kanton Bärn, Schwyz.
Urschebech ligt im Oberaargou im Schwizer Mittuland, wo Öschebach, Moosbach u Wauterswiubach zum Urschebech zämmefliesse. D Gmeindsflächi bsteit us 63,7 % langwirtschaftlecher Flächi, 30,8 % Waud, 5,3 % Sidligsflächi u 0,2 % süschtigi Flächi. D Nachburgmeinde si Madiswiu, Roorbachgrabe, Wauterswiu, Öschebach u Ochleberg.
Urschebech isch zum erschte Mal gnennt worde im Jahr 1201 aus Ursibach. Bis zum 31. Dezämber 2009 het d Gmeind zum Bezirk Aarwange ghört.
Quäuue: Bundesamt für Statistik 2005
Jahr | 1850 | 1860 | 1870 | 1880 | 1888 | 1900 | 1910 | 1920 |
Ywohner | 1509 | 1381 | 1518 | 1437 | 1454 | 1281 | 1236 | 1155 |
Jahr | 1930 | 1941 | 1950 | 1960 | 1970 | 1980 | 1990 | 2000 |
Ywohner | 1138 | 1057 | 1085 | 1058 | 993 | 909 | 883 | 900 |
Dr Uusländeraateil isch 2010 bi 3,5 % gläge.
89 % vo de Ywohner si evangelisch-reformiert, 4,8 % si römisch-katholisch (Stang 2000).
Bi de Nationauraatswahle 2011 het s das Ergebnis ggää: BDP 20,4 %, CVP 1,0 %, EVP 4,0 %, FDP 3,7 %. GLP 4,2 %, GP 3,9 %, SP 7,5 %, SVP 48,6 %, Suschtigi 6,7 %.
Gmeindspresidänt vo Urschebech isch dr Hans Ulrich Fuhrimann-Röthlisberger (Stang 2013).
D Arbetslosigkeit isch im Jahr 2011 bi 0,7 % gläge.
Bir Vouchszeuuig 2000 hei vo de 900 Ywohner 98,6 % Dütsch aus Houptsprach aaggää, 0,2 % Französisch u 0,2 % Italienisch.
Dr Dialäkt vo Urschebech ghört zum Hochalemannisch.