Lawrence of Arabia
- Iste ye un articlo sobre una cinta anglo-estausunidense de l'anyo 1962; ta atros usos, se veiga Lawrence of Arabia (desambigación).
.svg){kind=small}
Lawrence of Arabia (títol orichinal en anglés, en aragonés Lawrence d'Arabia, enguerada en Aragón con o suyo títol traduciu enta lo castellano como Lawrence de Arabia) ye una cinta anglo-estausunidense de l'anyo 1962 de cine biografico epico dramatico belico dirichida por David Lean seguntes un guión adaptau por Robert Bolt y Michael Wilson (basau en Seven Pillars of Wisdom, l'autobiografía de T. E. Lawrence publicada en 1926 a on conta las suyas experiencias mientres a Primera Guerra Mundial en a clamada "rebelión arabe" contra l'Imperio Otomano), con una banda sonora orichinal de Maurice Jarre, una dirección de fotografía de Freddie A. Young, una producción cinematografica de Sam Spiegel ta la productora cinematografica Horizon Pictures y un elenco d'actors a on destacan, entre d'atros, Alec Guinness, Anthony Quinn, Jack Hawkins, José Ferrer, Anthony Quayle, Claude Rains, Arthur Kennedy, Omar Sharif y Peter O'Toole.
Mientres a Primera Guerra Mundial, T. E. Lawrence yera nomás que un tenient de l'exercito britanico destinau en o Caire y conoixiu por a suya insolencia respective d'os suyos superiors. Tanimientres, un miembro d'a Oficina Arabe adedicada a labors d'intelichencia y espionache en o Frent d'Orient Proximo li encarga de visitar a lo prencipe Faisal ta proposar-li una sublevación contra los turcos otomans que en ixas envueltas controlaban a peninsula arabica. Excedendo-se en a suya misión, Lawrence estió un d'os dirichents militars d'a sublevación d'as tribus arabes en a peninsula arabica.
Lawrence of Arabia s'ambienta en 1935 en Dorset y Londres y en 1916, 1917 y 1918 en o Caire en l'actual Echipto y en os actuals países d'Arabia Saudita, Israel (incluyiu Eilat), Palestina (incluyiu Cherusalem), Liban y Siria (incluyidas Domás, Tafas y Daraa) y las suyas escenas se filmoron en Chordania, en Sevilla, Almería, Tabernas y Carboneras (Andalucía, Espanya), en Marruecos, en California en os Estaus Unius, en Londres, Surrey y Pen-y-bont ar Ogwr en Galas en o Reino Uniu y en Arabia Saudita.
Ye una cinta que ha recibiu muitismos premios y nominacionms, podendo-se destacar siet Premios Oscar (incluyius Millor Cinta, Millor Director, Millor Fotografía y Millor Banda Sonora Orichinal) y tres nominacions (Millor Actor, Millor Actor Segundario y Millor Guión Adaptau) en a suya 35ena edición, cuatre Premios BAFTA (Millor Cinta, Millor Cinta Britanica, Millor Actor Britanico y Millor Guión Orichinal) y una nominación (Millor Actor Forano) en a suya 16ena edición, dos Premios David de Donatello (Millor Productor Forano y Millor Actor Forano) en a suya 9ena edición, y seis Premios Globos d'Oro (Millor Cinta Dramatica, Millor Actor Segundario, Millor Director, Millor Estrela Emerchent Masculina ta dos actors, y Millor Fotografía en Color) con dos nominacions a lo Millor Actor Dramatico, en a suya 20ena edición.
Elenco" class="mw-editsection-visualeditor">editar | modificar o codigo]
| Actor | Papel | Notas |
|---|---|---|
| ] | ' |
Se veiga tamién
Referencias
Vinclos externos
Se veigan as imáchens de Commons sobre Lawrence of Arabia.- (en) Lawrence of Arabia en Internet Movie Database.
- (en) Lawrence of Arabia en TCM Movie Database.
- (en) Lawrence of Arabia en Box Office Mojo.
- (en) Lawrence of Arabia en Rotten Tomatoes.
- (en) Lawrence of Arabia en Metacritic.
- (en) Lawrence of Arabia en l'American Film Institute Catalog de l'American Film Institute.
- (es) Lawrence of Arabia en FilmAffinity.
- (fr) Lawrence of Arabia en Allociné.
- (en) Lawrence of Arabia en Letterboxd.
- (en) Lawrence of Arabia en AllMovie.
- (en) Lawrence of Arabia en Netflix.
