Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A roseta hexapetala u roseta hexafolia ye o tipo de religada mas común en l'Alto Aragón, consiste en seis linias curvas cerratas iguals con simetría radial arredol d'un centro que fa d'eixe senario. Bellas rosetas chuntas forman a "flor d'a Vida".
A roseta como simbolo ya existiba en a edat de bronce, cuan en Europa se daron os cultos solars con mas intensidat, y se crei que como os trisquels, cuatrefuellas y esvasticas son simbolos solars.
Os pueblos celtas y italos emplegaban iste simbolo. En l'arte celta de La Tene, amant d'as formas curvas, lo veyemos por eixemplo en o Caldero de Gundestrup chunto con elefants.
Os romanos lo emplegaban muito, y pa os hispanorromanos simbolizaba o Chupiter hispano, sincretismo entre o Chupiter latín y divinidaz indichenas como "Candamius". Eduardo Peralta Labrador comenta en "Estelas discoideas de Cantabria":
Amanix en l'Arte romanico. En l'Alto Aragón pueden veyer-se en muitas ilesias romanicas.
Huei en o sud d'os Alpes se diz sol d'os Alpes, igual que bellas cardinchas, indicando bien clara a suya simbolochía solar. En o Pirineu as cardinchas se posan en as finestras y reportals d'as casas pa esbarrar a las bruixas. Se diz que o mesmo Carles Magno culliba cardinchas pa curar-se o figado.
En l'arquitectura tradicional pirenenca y espanyola, iste simbolo se marca muito a sobén en os reportals de casas, graners y tamién obchectos ornamentals, y pareix que huei iste simbolo s'emplega como símbolo protector-benefactor.
José Manuel Gómez Tabanera preba d'esplicar cómo a roseta se convertió en un simbolo común en l'arte cristiano d'a Peninsula Iberica:
En l'aria de Zakopane y monts Tatra (Polonia) ye un simbolo recurrent en os reportals d'as casas tradicionals de fusta e ilesias (y tamién d'o suyo interior). En polaco recibe o nombre de Kołomir. Un buen eixemplo en ye a Capiella d'o Sagrato Corazón de Chesús en Jaszczurówka
Os pastors entallan rosetas en figuras que posaban en os collars d'as uellas como elemento protector.
Una d'as mes antigas representacions de roseta en Aragón provién d'o chacimiento ibero-romano d'o Cabezo d'Alcalá (Zaila), en o tozuelo d'un toro de bronce que yera en un posible templo.
En l'este d'a provincia de Teruel tamién se'n troban belunas, amás famosa y espectacular a de Mirambel. As rosetas en Teruel no son tan comuns como en o Pireneu actual, pero clama l'atención a suya pervivencia dende epoca romana: