الفريق الرياضى الوطنى معروف كمان باسم الفريق الوطنى او المنتخب الوطنى, هوا فريق رياضى بيمثل دوله فى رياضه من الرياضات, و بيرتبط المصطلح بشكل اكتر مع الرياضات الجماعيه, و رغم ده ممكن نقول على مجموعات الافراد اللى بيمثلو دوله فى الالعاب الفرديه من فى جمع نتائج عشرات الافراد للحصول على نتيجه جماعيه للدوله, المنتخبات الوطنيه بتنافس على مختلف المستويات و الفئات العمريه و فيه عدد من معايير الاختيار المختلفه للمنتخبات الوطنيه, بتتالف المنتخبات الوطنيه دايما من احسن اللاعبين, و المنتخبات الوطنيه زى الفرق الرياضيه التانيه بيتم تجميعها حسب الجنس او العمر او معايير تانيه.
بتعتمد شعبيه المنتخب الوطنى على شعبية الرياضه فى البلد, فى بعض البلاد بتكون رياضه معينه ليها بشعبيه كبيره و ساعات بتبقى رياضه وطنيه, مثلا فريق دورى الرجبى الوطنى فى بابوا جينيا الجديده ليه شعبيه كبيره لان الرياضه ليها شعبيه فى البلاد.
ممكن تكون فيه رياضه معينه فى دوله اكتر شعبيه بين فئات سكانيه معينه, مثلا فريق الستات اكتر شعبيه من فريق الرجال لو كانت فيه مشاركه اكبر فى الرياضه.
غالبا بيكون للمنافسه الدوليه اللى بيشارك فيها الفريق الاثر الاكبر على شعبية المنتخب الوطنى الرياضى.
شعبية المنتخب الوطنى ممكن تكون كمان نتيجه لنجاح الفريق لحد لو كانت الرياضه نفسها مش شعبيه فى البلاد.
فى كتير من البلاد بيتكون المنتخب الوطنى من اعلى مستوى متاح من اللاعبين و نتيجة كده بيتمتعو بالشعبيه الاكبر عند المشجعين و المتفرجين فى البلد, و فى بلاد تانيه ممكن تكون البطولات المحليه اكتر قدره على المنافسه و تقديم مستوى اعلى من اللعب و حصد الجوايز.
| ||||
---|---|---|---|---|