এই প্ৰবন্ধটো অসমীয়া ৱিকিপিডিয়াত শেহতীয়াভাৱে ৱিকিপিডিয়াৰ অধীনস্থ অন্য কোনো ভাষা বা অন্য ৱেবছাইটৰ পৰা অসমীয়া ভাষালৈ ভাঙনি কৰি লিখা হৈছে। ভাঙনি কাৰ্য শেষ কৰা পাছতো হয়তো এই প্ৰবন্ধটোত কিছুমান আসোঁৱাহ ৰৈ যাব পাৰে। তেনেক্ষেত্ৰত আপুনি অন্য ভাষাৰ অনুৰূপ প্ৰবন্ধৰ সন্ধান কৰি অথবা প্ৰবন্ধটোৰ অনুবাদ নকৰা অংশ অনুবাদ কৰি ৱিকিপিডিয়াক সহায় কৰিব পাৰে। |
নৈৰাজ্যবাদ (ইংৰাজী: anarchism) হৈছে এক ধৰণৰ ৰাজনৈতিক দৰ্শন যি ৰাষ্ট্ৰক অপ্ৰয়োজনীয়,অনাকাংক্ষিত আৰু ক্ষতিকৰ বুলি বাখ্যা কৰে আৰু তাৰ পৰিৱৰ্তে ৰাষ্ট্ৰবিহীন সমাজৰ পোষকতা কৰে৷ নৈৰাজ্যবাদীসকলে সংস্কাৰপন্থী বামধাৰাক আদৰ্শ হিচাপে গ্ৰহণ কৰে। বেছিভাগ নৈৰাজ্যবাদী অৰ্থনীতি আৰু নৈৰাজ্যবাদী আইনী দৰ্শনৰ দ্বাৰা সাম্যবাদ, সমবায়, ছিণ্ডিকেলিজম্ আৰু অংশীদাৰিত্বৰ অৰ্থনীতিৰ ৰাষ্ট্ৰবিহীন বাখ্যা প্ৰতিফলিত কৰা হয়৷
নৈৰাজ্যবাদৰ ইংৰাজী প্ৰতিশব্দ হৈছে Anarchism৷ এই শব্দটো Anarchy আৰু ism লগ হৈ গঠিত হৈছে। Anarchy শব্দটো গ্ৰীক ভাষাৰ Anarchos (ἄναρχος) শব্দৰ পৰা আহিছে যাৰ অৰ্থ হৈছে শাসকবিহীন। নৈৰাজ্যবাদ (Anarchism) শব্দটো ১৫৩৯ চনত প্ৰথম ব্যৱহাৰ কৰা হৈছিল বুলি জনা যায়। ফ্ৰান্স বিপ্লৱৰ সহায়ত কিছুমান ৰাজনীতিকে বিৰোধী পক্ষক নৈৰাজ্যবাদী আখ্যা দিছিল৷ পিয়েৰি জোচেফ প্ৰৌধন হ’ল প্ৰথমগৰাকী ৰাজনৈতিক দাৰ্শনিক যিয়ে নিজকে নৈৰাজ্যবাদী বুলি পৰিচয় দিয়ে৷ যাৰ ফলত ঊনবিংশ শতিকাৰ মাজভাগত নৈৰাজ্যবাদ শব্দটোৱে আনুষ্ঠানিকতা পায়৷
যীশুখ্ৰীষ্টৰ জন্মৰ ছশ বছৰ আগতে তাওৱিষ্ট (Taoist) দাৰ্শনিক লাওজিয়ে সৰ্বপ্ৰথম নৈৰাজ্যবাদ শব্দটো ব্যৱহাৰ কৰিছিল আৰু তাৰ পিছৰ শতিকাত ঝুৱাংজি (Zhuangzi) আৰু বাও জিন্গ্যানে (Bao Jingyan) এই শব্দটো ব্যৱহাৰ কৰিছিল। কোনোৱে যীশুখ্ৰীষ্টক প্ৰথমগৰাকী খ্ৰীষ্টিয়ান নৈৰাজ্যবাদী বুলি ঘোষণা কৰিছে৷ জৰ্জেচ লেকাৰ্টিয়া(Georges Lechartier)ৰে এই কথা লিখি গৈছে। পূৰ্বৰ ইছলামিক বুৰঞ্জীটো নৈৰাজ্যবাদৰ ধাৰণা পোৱা যায়৷ মুছলমান পণ্ডিত আমেৰ আল-বাছৰী(Amer al-Basri) আৰু আবু হানিফাই শাসকক বৰ্জন কৰি ৱাকফ পৰম্পৰা আৰম্ভ কৰিছিল৷
৬০ আৰু ৭০অৰ দশকত নৈৰাজ্যবাদ বৃদ্ধি পায়। ১৯৬৮ চনত ইটালীৰ কৰাৰাত আন্তৰ্জাতিক নৈৰাজ্যবাদী ফেডাৰেশ্যন গঠিত হয়৷ আমেৰিকাৰ নাগৰিকৰ অধিকাৰ আন্দোলন আৰু ভিয়েটনাম যুদ্ধবিৰোধী আন্দোলনে উত্তৰ আমেৰিকাত নৈৰাজ্যবাদৰ উদ্ভৱ ঘটায়৷ বিংশ শতাব্দীৰ শেষৰপিনে শ্ৰমিক আন্দোলন আৰু প্ৰাণী অধিকাৰ আন্দোলনে নৈৰাজ্যবাদক নতুন মাত্ৰা প্ৰদান কৰে৷