Abdou Diouf (7 de setiembre de 1935, Louga) ye un políticu senegalés, ex Primer Ministru y socesor Léopold Sédar Senghor na Presidencia de la República. Na actualidá ye Secretariu Xeneral de la Organización Internacional de la Francofonía.
Empezó a estudiar Derechu en Dakar, pa siguir depués en París, graduándose la École nationale de la France d'outre-mer en 1960.
Ocupó puestos de relevancia na alministración senegalesa, onde aportó a xefe de gabinete del Presidente Senghor en 1963 y secretariu xeneral de la Presidencia de la República en 1964. De siguío foi nomáu Ministru de Planificación ya Industria ente 1968 y 1970, y primer ministru en febreru de 1970.
Convertir en Presidente de la República de Senegal el 1 de xineru de 1981, tres la dimisión de Senghor, y anovó el so mandatu nes eleiciones de 1983, 1988 y 1993. Mientres el so mandatu afondó la democracia, empecipiada pol so predecesor, liberalizó progresivamente la economía y promovió la descentralización. Tamién contribuyó al prestíu del país nel mundu, al traviés de la participación en numberosos cumes internacionales, y ye un activu defensor de la unidá africana.
Abdou Diouf foi ganáu na segunda vuelta de les eleiciones presidenciales del 19 de marzu de 2000, asocediéndo-y Abdoulaye Wade. Entós treslladó la so residencia a París, onde vive.
El 20 d'ochobre de 2002 foi escoyíu secretariu xeneral de la Organización Internacional de la Francofonía, sustituyendo al exipciu Butros Butros-Ghali. Anovó'l cargu por unanimidá nel oncenu Cume de la Francofonía en Bucuresti en 2006.
Según consta en fr:Abdou Diouf d'onde se llogra esti artículu.
Predecesor: Léopold Sédar Senghor |
Presidente de la República de Senegal 1981 - 2000 |
Socesor: Abdoulaye Wade |
Predecesor: Mamadou Dia (1962) |
Primer ministru de la República de Senegal 1970 - 1981 |
Socesor: Habib Thiam |
Predecesor: Confederación creada |
Presidente de la Confederación Senegambia 1981 - 1989 |
Socesor: Confederación disuelta |