Estrechu de Messina | |
---|---|
Stretto di Messina (it) | |
Situación | |
Tipu | estrechu |
Parte de | mar Mediterraneu |
Coordenaes | 38°14′45″N 15°37′57″E / 38.245833333333°N 15.6325°E |
Datos | |
L'estrechu de Messina (italianu: stretto di Messina ) ye un estrechu marín que dixebra la islla de Sicilia de la Italia peninsular, comunicando'l mar Tirrenu col mar Xónicu. Na so parte más angosta, el norte, el so anchor ye de tan solo 3 km.
Un tresbordador coneuta la ciudá de Messina (Sicilia) col continente en Villa San Giovanni, en Calabria. Na actualidá esiste un proyeutu pa xunir Sicilia col continente por aciu una ponte de 3.300 metros de llargor anque esiste un gran discutiniu n'Italia sobre la conveniencia de la so execución dada la dificultá téunica del proyeutu, por tratase d'una zona d'intensa actividá sísmica y azotada con avezamientu por fuertes vientos.
Dellos investigadores opinaben, yá dende l'antigüedá, que l'estrechu de Messina yera'l pasu identificable col llugar onde habitaben Escila y Caribdis, una a cada llau del estrechu.
Les dos provincies que s'asomen al estrechu (Provincia de Messina y Provincia de Reggio Calabria) axustaron apocayá les bases pa formar el Área Metropolitana Integrada del estrechu, un proyeutu que va tender a crear la Ciudá del estrechu, una sola metrópolis coles dos ciudaes costeres integraes.
Otres ciudaes a veres del estrechu son les siguientes: