Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Hidróxenu (H)
Masa atómica: 1,00794 uma
Los isótopos del hidróxenu inclúin dos isótopos estables y cinco inestables.
L'hidróxenu-4 ye mui inestable. El nucleu contién un protón y tres neutrones. Foi sintetizáu en llaboratoriu bombardiando tritiu con nucleos aceleraos de deuteriu. Nesti esperimentu los nucleos de tritiu capturen neutrones de los nucleos de deuteriu. La presencia d'hidróxenu-4 dedúxose al deteutar los protones emitíos. Desintégrase por emisión de neutrones y tien una semivida de 1,4×10−22 segundos.
L'Hidróxenu-5 ye mui inestable. El nucleu contién un protón y cuatro neutrones. Foi sintetizáu en llaboratoriu bombardiando tritiu con nucleos aceleraos de tritiu. Nesti esperimentu unos nucleos de tritiu capturen dos neutrones de otros nucleos, convirtiéndose en nucleos con un protón y cuatro neutrones. El protón que queda pue ser deteutáu, y la esistencia d'hidróxenu-5, poro, deducida. Desintégrase por emisión de neutrones y tien una semivida de 10−21 segundos (camuda según les fontes consultaes).
L'hidróxenu-6 desintégrase por emisión de neutrones y tien una semivida de 3×10−22 segundos.
L'hidróxenu-7 tien un nucleu que contién un protón y seisneutrones. Foi sintetizáu per primer vegada en 2003 por un grupu de científicos rusos, xaponeses y franceses nel RIKEN's RI Beam Science Laboratory bombardiando hidróxenu con átomos d'heliu-8. Na reacción resultante, los neutrones del heliu-8 foron donaos al nucleu d'hidróxenu. Los dos protones restantes foron deteutaos pol "telescopiu RIKEN", un aparatu compuestu por varies capes de sensores, allugáu tres del oxetivu del RI Beam cyclotron.
símbolu nucleidu |
Z(p) | N(n) | masa isotópica (uma) | semivida | spin nuclear |
composición isotópica representativa (fracción molar) |
rangu de variación natural (fracción molar) |
---|---|---|---|---|---|---|---|
1H | 1 | 0 | 1,00782503207 | ESTABLE (>2,8×1023 años) | 1/2+ | 0,999885 | 0,999816-0,999974 |
2H | 1 | 1 | 2,0141017778 | ESTABLE | 1+ | 0,000115 | 0,000026-0,000184 |
³H | 1 | 2 | 3,0160492777 | 12,32 años | 1/2+ | ||
4H | 1 | 3 | 4,02781 | 1,39×10-22 s | 2- | ||
5H | 1 | 4 | 5.03531 | >9,1×10-22 s ¿? | (1/2+) | ||
6H | 1 | 5 | 6,04494 | 2,90×10-22 s | 2-* | ||
7H | 1 | 6 | 7,05275* | 2,3×10-23 s * | 1/2+* |
Neutrón llibre | Isótopos del hidróxenu | Isótopos del heliu |
Índiz de les páxines d'isótopos |