Józef Teodor Konrad Korzeniowski, más conocíu como Joseph Conrad (3 d'avientu de 1857, Terekhove (en) – 3 d'agostu de 1924, Bishopsbourne (en) ), foi un novelista polacu en llingua inglesa.
La madre de Conrad, Evelina Bobrowski, casó con Apollo Korzeniowski, y el matrimoniu vivió un tiempu en distintos llugares de les provincies ucraínes de Polonia, onde Apolo alministraba faciendes rurales. Daquella Polonia yera un dominiu de Rusia, y la participación d'Apollo nuna insurreición política escontra la dominación zarista da como resultáu'l destierru de tola familia. En xineru de 1863 lleguen a Vologda, ciudá del norte de Rusia, como exiliaos. Evelina muerre nel añu 1865 y Apollo nel 1869. Joseph queda güerfanu a la edá d'once años.
Joseph Conrad queda baxo la tutula de lo so güela, Teófila Bobrowka, y del conde Ladislao Mniszek, pero va ser el so tíu maternu, Tadeo, quien se va facer cargu de la so educación. Conrad conoz Lvov, Cracovia, llee a Dickens, Gil Blas y Don Quijote. Pero ye la llectura de Travailleurs de la mer, obra de Victor Hugo, lo que lu va llevar a querer embarcase, siendo'l puertu de salida'l de la ciudá francesa de Marsella. Nel añu 1878 llega a Londres ensin saber inglés y aprueba l'esame que lu certifica pa ser ser segundu oficial de la marina mercante. Conoz China y el ríu Congo, esperiencies que llueu va utilizar na so obra literaria. La lliteratura va ocupar la última etapa de la vida de Conrad, de 1895 hasta l'añu 1924.