El Reinu de Suazilandia o simplemente Suazilandia (en suazi: Umbuso weSwatini o simplemente eSwatini; n'inglés desde 2018: Kingdom of Eswatini o simplemente Eswatini; anteriormente Kingdom of Swaziland) ye un pequeñu país ensin salida a la mar nel sur d'África (ún de los más pequeños del continente), asitiáu nes oscilaciones orientales de los Montes Drakensberg, ente Sudáfrica al oeste y Mozambique al este. Recibe'l so nome de la tribu swazi, una etnia bantú. Ye ún de los países menos desarrollaos d'África: la tasa de paru ye del 50%, seis de cada diez habitantes son probes y al rodiu 1 de cada 5 persones ta afeutada de VIH/SIDA, polo que'l país tien una de les esperances de vida más baxes del mundu: 49 años.
Anque los restos d'ocupaciones humanes atopaes en Suazilandia tienen más de 100.000 años, la población actual emigró nel sieglu XIX, tres les emigraciones de les poblaciones bantús y so la presión de los bóers. Coles mesmes, colonizaron l'área los primeros blancos. Tres les Guerres Bóer, Suazilandia convirtióse nuna colonia británica. Llogró la independencia'l 6 de setiembre de 1968 y de magar Suazilandia sufrió la llucha ente los activistes pola democracia y la monarquía totalitaria.
Suazilandia se divide en cuatro distritos, que se sodividen en 55 tinkhundla, que a su vez se sodividen en unidaes inferiores nomaes imiphakatsi. Los distritos son:
Distritu | Capital | Superficie (km²) | Población |
---|---|---|---|
1 - Hhohho | Mbabane | 3,569 | 270,000 |
2 - Lubombo | Siteki | 5,947 | 202,000 |
3 - Manzini | Manzini | 5,068 | 319,530 |
4 - Shiselweni | Nhlangano | 3,790 | 217,000 |
África |
Angola | Arxelia | Benín | Botsuana | Burkina Fasu | Burundi | Cabu Verde | Camerún | República Centroafricana | Chad | Comores | El Congu | República Democrática d'El Congu | Costa de Marfil | Eritrea | Etiopía | Exiptu | Gabón | Gambia | Ghana | Guinea | Guinea-Bisáu | Guinea Ecuatorial | Kenia | Lesothu | Liberia | Libia | Madagascar | Malaui | Malí | Marruecos | Mauriciu | Mauritania | Mozambique | Namibia | Níxer | Nixeria | Ruanda | Santu Tomé y Príncipe | Seixeles | Senegal | Sierra Lleona | Somalia | Suazilandia | Sudáfrica | Sudán | Sudán del Sur | Tanzania | Togu | Tunicia | Uganda | Xibuti | Zambia | Zimbabue
Dependencies: Islles Kerguelen | Mayotte | Reunión | El Sáḥara Occidental | Socotra | Tromelin |